यहाँ सब से अलग सब से जुदा होना था मुझ को
मगर क्या हो गया हूँ और क्या होना था मुझ को
अभी इक लहर थी जिस को गुज़रना था सरों से
अभी इक लफ़्ज़ था में और अदा होना था मुझ को
फिर उस को ढूँडने में उम्र सारी बीत जाती
कोई अपनी ही गुम-गश्ता सदा होना था मुझ को
पसंद आया किसी को मेरा आँधी बन के उठना
किसी की राय में बाद-ए-सबा होना था मुझ को
वहाँ से भी गुज़र आया हूँ ख़ामोशी में अब के
जहाँ इक शोर की सूरत बपा होना था मुझ को
दर-ओ-दीवार से इतनी मोहब्बत किस के लिए थी
अगर इस क़ैद ख़ाने से रिहा होना था मुझ को
मैं अपनी राख से बे-शक दोबारा सर उठाता
मगर इक बार तो जल कर फ़ना होना था मुझ को
मैं अंदर से कहीं तब्दील होना चाहता था
पुरानी केंचुली में ही नया होना था मुझ को
'ज़फ़र' मैं हो गया कुछ और वर्ना अस्ल में तो
बुरा होना था मुझ को या भला होना था मुझ को
yahāñ sab se alag sab se judā honā thā mujh ko
magar kyā ho gayā huuñ aur kyā honā thā mujh ko
abhī ik lahar thī jis ko guzarnā thā saroñ se
abhī ik lafz thā meñ aur adā honā thā mujh ko
phir us ko DhūñDne meñ umr saarī biit jaatī
koī apnī hī gum-gashta sadā honā thā mujh ko
pasand aayā kisī ko merā āñdhī ban ke uThnā
kisī kī raa.e meñ bād-e-sabā honā thā mujh ko
vahāñ se bhī guzar aayā huuñ ḳhāmoshī meñ ab ke
jahāñ ik shor kī sūrat bapā honā thā mujh ko
dar-o-dīvār se itnī mohabbat kis ke liye thī
agar is qaid ḳhāne se rihā honā thā mujh ko
maiñ apnī raakh se be-shak dobāra sar uThātā
magar ik baar to jal kar fanā honā thā mujh ko
maiñ andar se kahīñ tabdīl honā chāhtā thā
purānī keñchulī meñ hī nayā honā thā mujh ko
'zafar' maiñ ho gayā kuchh aur varna asl meñ to
burā honā thā mujh ko yā bhalā honā thā mujh ko
یہاں سب سے الگ سب سے جدا ہونا تھا مجھ کو
مگر کیا ہو گیا ہوں اور کیا ہونا تھا مجھ کو
ابھی اک لہر تھی جس کو گزرنا تھا سروں سے
ابھی اک لفظ تھا میں اور ادا ہونا تھا مجھ کو
پھر اس کو ڈھونڈنے میں عمر ساری بیت جاتی
کوئی اپنی ہی گم گشتہ صدا ہونا تھا مجھ کو
پسند آیا کسی کو میرا آندھی بن کے اٹھنا
کسی کی رائے میں باد صبا ہونا تھا مجھ کو
وہاں سے بھی گزر آیا ہوں خاموشی میں اب کے
جہاں اک شور کی صورت بپا ہونا تھا مجھ کو
در و دیوار سے اتنی محبت کس کے لیے تھی
اگر اس قید خانے سے رہا ہونا تھا مجھ کو
میں اپنی راکھ سے بے شک دوبارہ سر اٹھاتا
مگر اک بار تو جل کر فنا ہونا تھا مجھ کو
میں اندر سے کہیں تبدیل ہونا چاہتا تھا
پرانی کینچلی میں ہی نیا ہونا تھا مجھ کو
ظفرؔ میں ہو گیا کچھ اور ورنہ اصل میں تو
برا ہونا تھا مجھ کو یا بھلا ہونا تھا مجھ کو