यगाना बन के हो जाए वो बेगाना तो क्या होगा
जो पहचाना तो क्या होगा न पहचाना तो क्या होगा
किसी को क्या ख़बर आँसू हैं क्यूँ चश्म-ए-मोहब्बत में
फ़ुग़ाँ से गूँज उट्ठेगा जो वीराना तो क्या होगा
हमारी सी मोहब्बत तुम को हम से हो तो क्या गुज़रे
बना दे शम्अ' को भी इश्क़ परवाना तो क्या होगा
यही होगा कि दुनिया अक़्ल का अंजाम देखेगी
हद-ए-वहशत से बढ़ जाएगा दीवाना तो क्या होगा
तअस्सुब दरमियाँ से आप को वापस न ले आए
हरम की राह में निकला सनम-ख़ाना तो क्या होगा
तसव्वुर कीजिए उस आने वाले दौर-ए-बरहम का
गदा तोड़ेंगे जब पिंदार-ए-शाहाना तो क्या होगा
मिटा दो हसरत-ए-आबादी-ए-दिल भी मिरे दिल से
ये जितना अब है इस से और वीराना तो क्या होगा
न तुम आओगे न आवाज़ अपनी लौट पाएगी
पुकारेगा तुम्हें सहरा में दीवाना तो क्या होगा
फ़रेब-ए-ज़िंदगी की दास्ताँ कहने को क्या कम है
क़यामत में ज़बाँ पर और अफ़्साना तो क्या होगा
लहू के दाग़ बढ़ जाएँगे कुछ दीवार-ए-ज़िंदाँ पर
ख़फ़ा हो जाएगा ज़िंदाँ से दीवाना तो क्या होगा
मुदावा हो नहीं सकता है दिल पर चोट खाने का
मिरे क़दमों पे रख दो ताज-ए-शाहाना तो क्या होगा
'सबा' जो ज़िंदगी भीगी हुई है बारिश-ए-गुल से
बुलाएगा किसी दिन उस को वीराना तो क्या होगा
yagāna ban ke ho jaa.e vo begāna to kyā hogā
jo pahchānā to kyā hogā na pahchānā to kyā hogā
kisī ko kyā ḳhabar aañsū haiñ kyuuñ chashm-e-mohabbat meñ
fuġhāñ se guuñj uTThegā jo vīrāna to kyā hogā
hamārī sī mohabbat tum ko ham se ho to kyā guzre
banā de sham.a ko bhī ishq parvāna to kyā hogā
yahī hogā ki duniyā aql kā anjām dekhegī
had-e-vahshat se baḌh jā.egā dīvāna to kyā hogā
ta.assub darmiyāñ se aap ko vāpas na le aa.e
haram kī raah meñ niklā sanam-ḳhāna to kyā hogā
tasavvur kījiye us aane vaale daur-e-barham kā
gadā toḌeñge jab pindār-e-shāhāna to kyā hogā
miTā do hasrat-e-ābādī-e-dil bhī mire dil se
ye jitnā ab hai is se aur vīrāna to kyā hogā
na tum aaoge na āvāz apnī lauT pā.egī
pukāregā tumheñ sahrā meñ dīvāna to kyā hogā
fareb-e-zindagī kī dāstāñ kahne ko kyā kam hai
qayāmat meñ zabāñ par aur afsāna to kyā hogā
lahū ke daaġh baḌh jā.eñge kuchh dīvār-e-zindāñ par
ḳhafā ho jā.egā zindāñ se dīvāna to kyā hogā
mudāvā ho nahīñ saktā hai dil par choT khāne kā
mire qadmoñ pe rakh do tāj-e-shāhāna to kyā hogā
'sabā' jo zindagī bhīgī huī hai bārish-e-gul se
bulā.egā kisī din us ko vīrāna to kyā hogā
یگانہ بن کے ہو جائے وہ بیگانہ تو کیا ہوگا
جو پہچانا تو کیا ہوگا نہ پہچانا تو کیا ہوگا
کسی کو کیا خبر آنسو ہیں کیوں چشم محبت میں
فغاں سے گونج اٹھے گا جو ویرانہ تو کیا ہوگا
ہماری سی محبت تم کو ہم سے ہو تو کیا گزرے
بنا دے شمع کو بھی عشق پروانہ تو کیا ہوگا
یہی ہوگا کہ دنیا عقل کا انجام دیکھے گی
حد وحشت سے بڑھ جائے گا دیوانہ تو کیا ہوگا
تعصب درمیاں سے آپ کو واپس نہ لے آئے
حرم کی راہ میں نکلا صنم خانہ تو کیا ہوگا
تصور کیجئے اس آنے والے دور برہم کا
گدا توڑیں گے جب پندار شاہانہ تو کیا ہوگا
مٹا دو حسرت آبادئ دل بھی مرے دل سے
یہ جتنا اب ہے اس سے اور ویرانہ تو کیا ہوگا
نہ تم آؤ گے نہ آواز اپنی لوٹ پائے گی
پکارے گا تمہیں صحرا میں دیوانہ تو کیا ہوگا
فریب زندگی کی داستاں کہنے کو کیا کم ہے
قیامت میں زباں پر اور افسانہ تو کیا ہوگا
لہو کے داغ بڑھ جائیں گے کچھ دیوار زنداں پر
خفا ہو جائے گا زنداں سے دیوانہ تو کیا ہوگا
مداوا ہو نہیں سکتا ہے دل پر چوٹ کھانے کا
مرے قدموں پہ رکھ دو تاج شاہانہ تو کیا ہوگا
صباؔ جو زندگی بھیگی ہوئی ہے بارش گل سے
بلائے گا کسی دن اس کو ویرانہ تو کیا ہوگا