अजल होती रहेगी इश्क़ कर के मुल्तवी कब तक
मुक़द्दर में है या रब आरज़ू-ए-ख़ुदकुशी कब तक
तड़पने पर हमारे आप रोकेंगे हँसी कब तक
ये माथे की शिकन कब तक ये अबरू की कजी कब तक
किरन फूटी उफ़ुक़ पर आफ़्ताब-ए-सुब्ह-ए-महशर की
सुनाए जाओ अपनी दास्तान-ए-ज़िंदगी कब तक
दयार-ए-इश्क़ में इक क़ल्ब-ए-सोज़ाँ छोड़ आए थे
जलाई थी जो हम ने शम्अ' रस्ते में जली कब तक
जो तुम पर्दा उठा देते तो आँखें बंद हो जातीं
तजल्ली सामने आती तो दुनिया देखती कब तक
तह-ए-गिर्दाब की भी फ़िक्र कर ऐ डूबने वाले
नज़र आती रहेगी साहिलों की रौशनी कब तक
कभी तो ज़िंदगी ख़ुद भी इलाज-ए-ज़िंदगी करती
अजल करती रहे दरमान-ए-दर्द-ए-ज़िंदगी कब तक
वो दिन नज़दीक हैं जब आदमी शैताँ से खेलेगा
खिलौना बन के शैताँ का रहेगा आदमी कब तक
कभी तो ये फ़साद-ए-ज़ेहन की दीवार टूटेगी
अरे आख़िर ये फ़र्क़-ए-ख़्वाजगी-ओ-बंदगी कब तक
दयार-ए-इश्क़ में पहचानने वाले नहीं मिलते
इलाही मैं रहूँ अपने वतन में अजनबी कब तक
मुख़ातब कर के अपने दिल को कहना हो तो कुछ कहिए
'सबा' उस बेवफ़ा के आसरे पर शाइरी कब तक
ajal hotī rahegī ishq kar ke multavī kab tak
muqaddar meñ hai yā rab ārzū-e-ḳhud-kushī kab tak
taḌapne par hamāre aap rokeñge hañsī kab tak
ye māthe kī shikan kab tak ye abrū kī kajī kab tak
kiran phūTī ufuq par āftāb-e-sub.h-e-mahshar kī
sunā.e jaao apnī dāstān-e-zindagī kab tak
dayār-e-ishq meñ ik qalb-e-sozāñ chhoḌ aa.e the
jalā.ī thī jo ham ne sham.a raste meñ jalī kab tak
jo tum parda uThā dete to āñkheñ band ho jātīñ
tajallī sāmne aatī to duniyā dekhtī kab tak
tah-e-girdāb kī bhī fikr kar ai Dūbne vaale
nazar aatī rahegī sāhiloñ kī raushnī kab tak
kabhī to zindagī ḳhud bhī ilāj-e-zindagī kartī
ajal kartī rahe darmān-e-dard-e-zindagī kab tak
vo din nazdīk haiñ jab aadmī shaitāñ se khelegā
khilaunā ban ke shaitāñ kā rahegā aadmī kab tak
kabhī to ye fasād-e-zehn kī dīvār TūTegī
are āḳhir ye farq-e-ḳhvājgī-o-bandagī kab tak
dayār-e-ishq meñ pahchānñe vaale nahīñ milte
ilāhī maiñ rahūñ apne vatan meñ ajnabī kab tak
muḳhātab kar ke apne dil ko kahnā ho to kuchh kahiye
'sabā' us bevafā ke āsare par shā.irī kab tak
اجل ہوتی رہے گی عشق کر کے ملتوی کب تک
مقدر میں ہے یا رب آرزوئے خود کشی کب تک
تڑپنے پر ہمارے آپ روکیں گے ہنسی کب تک
یہ ماتھے کی شکن کب تک یہ ابرو کی کجی کب تک
کرن پھوٹی افق پر آفتاب صبح محشر کی
سنائے جاؤ اپنی داستان زندگی کب تک
دیار عشق میں اک قلب سوزاں چھوڑ آئے تھے
جلائی تھی جو ہم نے شمع رستے میں جلی کب تک
جو تم پردہ اٹھا دیتے تو آنکھیں بند ہو جاتیں
تجلی سامنے آتی تو دنیا دیکھتی کب تک
تہ گرداب کی بھی فکر کر اے ڈوبنے والے
نظر آتی رہے گی ساحلوں کی روشنی کب تک
کبھی تو زندگی خود بھی علاج زندگی کرتی
اجل کرتی رہے درمان درد زندگی کب تک
وہ دن نزدیک ہیں جب آدمی شیطاں سے کھیلے گا
کھلونا بن کے شیطاں کا رہے گا آدمی کب تک
کبھی تو یہ فساد ذہن کی دیوار ٹوٹے گی
ارے آخر یہ فرق خواجگی و بندگی کب تک
دیار عشق میں پہچاننے والے نہیں ملتے
الٰہی میں رہوں اپنے وطن میں اجنبی کب تک
مخاطب کر کے اپنے دل کو کہنا ہو تو کچھ کہیے
صباؔ اس بے وفا کے آسرے پر شاعری کب تک