अश्क-बारी नहीं फ़ुर्क़त में शरर-बारी है
आँख में ख़ून का क़तरा है कि चिंगारी है
हर नफ़स ज़ीस्त गुज़र जाने का ग़म तारी है
मौत का ख़ौफ़ भी इक रूह की बीमारी है
बावजूदे-कि मोहब्बत कोई ज़ंजीर नहीं
फिर भी दिल को मिरे एहसास-ए-गिरफ़्तारी है
कुछ इस अंदाज़ से उस ने ग़म-ए-फ़ुर्क़त बख़्शा
जैसे ये भी कोई इनआम-ए-वफ़ादारी है
ग़म-ए-ख़ामोश को बे-वज्ह तसल्ली देना
दिल-नवाज़ी की ये सूरत भी दिल-आज़ारी है
रोज़ हालात बदलते हैं ब-शर्त-ए-तौफ़ीक़
ज़ीस्त मजमूआ-ए-आसानी ओ दुश्वारी है
जागना 'इश्क़ में हर एक की तक़दीर नहीं
नींद क़ुर्बान हो जिस पर ये वो बेदारी है
की मिरे हाथ से यूँ नज़्र-ए-बहार उस ने क़ुबूल
जैसे ये फूल नहीं है कोई चिंगारी है
इक तग़ाफ़ुल से हुआ 'इश्क़ का दिल को एहसास
उस की ग़फ़लत का नतीजा मिरी हुश्यारी है
यूँ भी आराइश-ए-पैहम में उलझता है कोई
ये ख़ुद-आराई है देखो कि ख़ुद-आज़ारी है
मातम-ए-इश्क़ से फ़ुर्सत नहीं मिलती है 'सबा'
रोज़-ओ-शब अपनी उमीदों को अज़ा-दारी है
ashk-bārī nahīñ furqat meñ sharar-bārī hai
aañkh meñ ḳhuun kā qatra hai ki chingārī hai
har nafas ziist guzar jaane kā ġham taarī hai
maut kā ḳhauf bhī ik ruuh kī bīmārī hai
bāvajūde-ki mohabbat koī zanjīr nahīñ
phir bhī dil ko mire ehsās-e-giraftārī hai
kuchh is andāz se us ne ġham-e-furqat baḳhshā
jaise ye bhī koī in.ām-e-vafādārī hai
ġham-e-ḳhāmosh ko be-vaj.h tasallī denā
dil-navāzī kī ye sūrat bhī dil-āzārī hai
roz hālāt badalte haiñ ba-shart-e-taufīq
ziist majmūa-e-āsānī o dushvārī hai
jāgnā 'ishq meñ har ek kī taqdīr nahīñ
niiñd qurbān ho jis par ye vo bedārī hai
kī mire haath se yuuñ nazr-e-bahār us ne qubūl
jaise ye phuul nahīñ hai koī chingārī hai
ik taġhāful se huā 'ishq kā dil ko ehsās
us kī ġhaflat kā natīja mirī hushyārī hai
yuuñ bhī ārā.ish-e-paiham meñ ulajhtā hai koī
ye ḳhud-ārā.ī hai dekho ki ḳhud-āzārī hai
mātam-e-ishq se fursat nahīñ miltī hai 'sabā'
roz-o-shab apnī umīdoñ ko azā-dārī hai
اشک باری نہیں فرقت میں شررباری ہے
آنکھ میں خون کا قطرہ ہے کہ چنگاری ہے
ہر نفس زیست گزر جانے کا غم طاری ہے
موت کا خوف بھی اک روح کی بیماری ہے
باوجودیکہ محبت کوئی زنجیر نہیں
پھر بھی دل کو مرے احساس گرفتاری ہے
کچھ اس انداز سے اس نے غم فرقت بخشا
جیسے یہ بھی کوئی انعام وفاداری ہے
غم خاموش کو بے وجہ تسلی دینا
دل نوازی کی یہ صورت بھی دل آزاری ہے
روز حالات بدلتے ہیں بشرط توفیق
زیست مجموعۂ آسانی و دشواری ہے
جاگنا عشق میں ہر ایک کی تقدیر نہیں
نیند قربان ہو جس پر یہ وہ بیداری ہے
کی مرے ہاتھ سے یوں نذر بہار اس نے قبول
جیسے یہ پھول نہیں ہے کوئی چنگاری ہے
اک تغافل سے ہوا عشق کا دل کو احساس
اس کی غفلت کا نتیجہ مری ہشیاری ہے
یوں بھی آرائش پیہم میں الجھتا ہے کوئی
یہ خود آرائی ہے دیکھو کہ خود آزاری ہے
ماتم عشق سے فرصت نہیں ملتی ہے صباؔ
روز و شب اپنی امیدوں کو عزا داری ہے