आईना बन जाइए जल्वा-असर हो जाइए
सामने वो हों तो सर-ता-पा नज़र हो जाइए
सोज़-ए-दिल से गोशा-ए-तन्हाई में क्या फ़ाएदा
इस तरह जलिए चराग़-ए-रहगुज़र हो जाइए
इस उदासी का धुँदलका ख़त्म हो शायद कभी
शाम से पहले ही उनवान-ए-सहर हो जाइए
मंज़िल-ए-उल्फ़त पे दिल तन्हा पहुँच सकता नहीं
आप अगर चाहें तो मेरे हम-सफ़र हो जाइए
ख़ुद-बख़ुद सारे ज़माने को ख़बर हो जाएगी
होशियारी है कि सब से बे-ख़बर हो जाइए
शौक़ कहता है कि सज्दों में तसलसुल चाहिए
दिल ये कहता है कि जज़्ब-ए-संग-ए-दर हो जाइए
जब किसी से पेश-क़दमी ज़ुल्म की रुकती न हो
उस जगह लाज़िम है ख़ुद सीना-सिपर हो जाइए
इक अज़ाब-ए-मुस्तक़िल है फ़िक्र-ए-तामीर-ए-मकाँ
साकिन-ए-सहरा-ए-बे-दीवार-ओ-दर हो जाइए
कश्मकश में इन्फ़िरादिय्यत ज़रूरी है 'सबा'
जिस तरफ़ कोई नहीं होता उधर हो जाइए
ā.īna ban jā.iye jalva-asar ho jā.iye
sāmne vo hoñ to sar-tā-pā nazar ho jā.iye
soz-e-dil se gosha-e-tanhā.ī meñ kyā fā.eda
is tarah jaliye charāġh-e-rahguzar ho jā.iye
is udāsī kā dhuñdlakā ḳhatm ho shāyad kabhī
shaam se pahle hī unvān-e-sahar ho jā.iye
manzil-e-ulfat pe dil tanhā pahuñch saktā nahīñ
aap agar chāheñ to mere ham-safar ho jā.iye
ḳhud-baḳhud saare zamāne ko ḳhabar ho jā.egī
hoshiyārī hai ki sab se be-ḳhabar ho jā.iye
shauq kahtā hai ki sajdoñ meñ tasalsul chāhiye
dil ye kahtā hai ki jazb-e-sañg-e-dar ho jā.iye
jab kisī se pesh-qadmī zulm kī ruktī na ho
us jagah lāzim hai ḳhud sīna-sipar ho jā.iye
ik azāb-e-mustaqil hai fikr-e-ta.amīr-e-makāñ
sākin-e-sahrā-e-be-dīvār-o-dar ho jā.iye
kashmakash meñ infirādiyyat zarūrī hai 'sabā'
jis taraf koī nahīñ hotā udhar ho jā.iye
آئینہ بن جائیے جلوہ اثر ہو جائیے
سامنے وہ ہوں تو سر تا پا نظر ہو جائیے
سوز دل سے گوشۂ تنہائی میں کیا فائدہ
اس طرح جلیے چراغ رہ گزر ہو جائیے
اس اداسی کا دھندلکا ختم ہو شاید کبھی
شام سے پہلے ہی عنوان سحر ہو جائیے
منزل الفت پہ دل تنہا پہنچ سکتا نہیں
آپ اگر چاہیں تو میرے ہم سفر ہو جائیے
خود بخود سارے زمانے کو خبر ہو جائے گی
ہوشیاری ہے کہ سب سے بے خبر ہو جائیے
شوق کہتا ہے کہ سجدوں میں تسلسل چاہئے
دل یہ کہتا ہے کہ جذب سنگ در ہو جائیے
جب کسی سے پیش قدمی ظلم کی رکتی نہ ہو
اس جگہ لازم ہے خود سینہ سپر ہو جائیے
اک عذاب مستقل ہے فکر تعمیر مکاں
ساکن صحرائے بے دیوار و در ہو جائیے
کشمکش میں انفرادیت ضروری ہے صباؔ
جس طرف کوئی نہیں ہوتا ادھر ہو جائیے