याद आ के तिरी हिज्र में समझाएगी किस को
दिल ही नहीं सीने में तो बहलाएगी किस को
दम खिंचता है क्यूँ आज ये रग रग से हमारा
क्या जाने इधर दिल की कशिश लाएगी किस को
उठने ही नहीं देती है जब यास बिठा कर
फिर शौक़ की हिम्मत कहीं ले जाएगी किस को
जब मार ही डाला हमें बे-ताबी-ए-दिल ने
करवट शब-ए-फ़ुर्क़त में बदलवाएगी किस को
मर जाएँगे बे-मौत ग़म-ए-हिज्र के मारे
आएगी तो अब ज़िंदा अजल पाएगी किस को
अच्छा रहे तस्वीर किसी की मिरे दिल पर
कम-बख़्त न ठहरेगा तो ठहराएगी किस को
कुछ बैठ गया दिल ही यहाँ बैठ के अपना
ग़ैरत तिरी महफ़िल से अब उठवाएगी किस को
इस वादा-ख़िलाफ़ी ने अगर जान ही ले ली
फिर झूटी तसल्ली तिरी तड़पाएगी किस को
क्यूँ लेंगे 'जलाल' आ के मिरे दिल में वो चुटकी
झपकेगी पलक काहे को नींद आएगी किस को
yaad aa ke tirī hijr meñ samjhā.egī kis ko
dil hī nahīñ siine meñ to bahlā.egī kis ko
dam khiñchtā hai kyuuñ aaj ye rag rag se hamārā
kyā jaane idhar dil kī kashish lā.egī kis ko
uThne hī nahīñ detī hai jab yaas biThā kar
phir shauq kī himmat kahīñ le jā.egī kis ko
jab maar hī Daalā hameñ be-tābi-e-dil ne
karvaT shab-e-furqat meñ badalvā.egī kis ko
mar jā.eñge be-maut ġham-e-hijr ke maare
aa.egī to ab zinda ajal pā.egī kis ko
achchhā rahe tasvīr kisī kī mire dil par
kam-baḳht na Thahregā to Thahrā.egī kis ko
kuchh baiTh gayā dil hī yahāñ baiTh ke apnā
ġhairat tirī mahfil se ab uThvā.egī kis ko
is va.ada-ḳhilāfī ne agar jaan hī le lī
phir jhūTī tasallī tirī taḌpā.egī kis ko
kyuuñ leñge 'jalāl' aa ke mire dil meñ vo chuTkī
jhapkegī palak kaahe ko niiñd aa.egī kis ko
یاد آ کے تری ہجر میں سمجھائے گی کس کو
دل ہی نہیں سینہ میں تو بہلائے گی کس کو
دم کھنچتا ہے کیوں آج یہ رگ رگ سے ہمارا
کیا جانے ادھر دل کی کشش لائے گی کس کو
اٹھنے ہی نہیں دیتی ہے جب یاس بٹھا کر
پھر شوق کی ہمت کہیں لے جائے گی کس کو
جب مار ہی ڈالا ہمیں بے تابئ دل نے
کروٹ شب فرقت میں بدلوائے گی کس کو
مر جائیں گے بے موت غم ہجر کے مارے
آئے گی تو اب زندہ اجل پائے گی کس کو
اچھا رہے تصویر کسی کی مرے دل پر
کمبخت نہ ٹھہرے گا تو ٹھہرائے گی کس کو
کچھ بیٹھ گیا دل ہی یہاں بیٹھ کے اپنا
غیرت تری محفل سے اب اٹھوائے گی کس کو
اس وعدہ خلافی نے اگر جان ہی لے لی
پھر جھوٹی تسلی تری تڑپائے گی کس کو
کیوں لیں گے جلالؔ آ کے مرے دل میں وہ چٹکی
جھپکے گی پلک کاہے کو نیند آئے گی کس کو