जफ़ा की उस से शिकायत ज़रा नहीं आती
वो याद ही हमें शुक्र-ए-ख़ुदा नहीं आती
निकल के ता-ब-लब आह-ए-रसा नहीं आती
कराहता है जो अब दिल सदा नहीं आती
हमारी ख़ाक की मिट्टी है क्या ख़राब ऐ चर्ख़
कभी इधर को उधर की हवा नहीं आती
शब-ए-विसाल कहाँ ख़्वाब-ए-नाज़ का मौक़ा'
तुम्हारी नींद को आते हया नहीं आती
'अदू हमारी 'अयादत को ले के आए उन्हें
कहाँ ये मर रही अब भी क़ज़ा नहीं आती
लहद पे आए थे दो फूल भी चढ़ा जाते
अभी तक आप में बू-ए-वफ़ा नहीं आती
मिरी लहद को वो उन का ये कह के ठुकराना
सदा-ए-ना'रा-ए-सद-मर्हबा नहीं आती
सितम है और मिरे दिल-शिकन का ये कहना
शिकस्त-ए-शीशा-ए-दिल की सदा नहीं आती
'जलाल' हम ये न मानेंगे तू उसे नहीं याद
तुझे कभी कोई हिचकी भी क्या नहीं आती
jafā kī us se shikāyat zarā nahīñ aatī
vo yaad hī hameñ shukr-e-ḳhudā nahīñ aatī
nikal ke tā-ba-lab āh-e-rasā nahīñ aatī
karāhtā hai jo ab dil sadā nahīñ aatī
hamārī ḳhaak kī miTTī hai kyā ḳharāb ai charḳh
kabhī idhar ko udhar kī havā nahīñ aatī
shab-e-visāl kahāñ ḳhvāb-e-nāz kā mauqa'
tumhārī niiñd ko aate hayā nahīñ aatī
'adū hamārī 'ayādat ko le ke aa.e unheñ
kahāñ ye mar rahī ab bhī qazā nahīñ aatī
lahad pe aa.e the do phuul bhī chaḌhā jaate
abhī tak aap meñ bū-e-vafā nahīñ aatī
mirī lahad ko vo un kā ye kah ke Thukrānā
sadā-e-nā'ra-e-sad-marhabā nahīñ aatī
sitam hai aur mire dil-shikan kā ye kahnā
shikast-e-shīsha-e-dil kī sadā nahīñ aatī
'jalāl' ham ye na māneñge tū use nahīñ yaad
tujhe kabhī koī hichkī bhī kyā nahīñ aatī
جفا کی اس سے شکایت ذرا نہیں آتی
وہ یاد ہی ہمیں شکر خدا نہیں آتی
نکل کے تا بہ لب آہ رسا نہیں آتی
کراہتا ہے جو اب دل صدا نہیں آتی
ہماری خاک کی مٹی ہے کیا خراب اے چرخ
کبھی ادھر کو ادھر کی ہوا نہیں آتی
شب وصال کہاں خواب ناز کا موقع
تمہاری نیند کو آتے حیا نہیں آتی
عدو ہماری عیادت کو لے کے آئے انہیں
کہاں یہ مر رہی اب بھی قضا نہیں آتی
لحد پہ آئے تھے دو پھول بھی چڑھا جاتے
ابھی تک آپ میں بوئے وفا نہیں آتی
مری لحد کو وہ ان کا یہ کہہ کے ٹھکرانا
صدائے نعرۂ صد مرحبا نہیں آتی
ستم ہے اور مرے دل شکن کا یہ کہنا
شکست شیشۂ دل کی صدا نہیں آتی
جلالؔ ہم یہ نہ مانیں گے تو اسے نہیں یاد
تجھے کبھی کوئی ہچکی بھی کیا نہیں آتی