क्यूँ वस्ल में भी आँख मिलाई नहीं जाती
वो फ़र्क़ दिलों का वो जुदाई नहीं जाती
क्या धूम भी नालों से मचाई नहीं जाती
सोती हुई तक़दीर जगाई नहीं जाती
कुछ शिकवा न करते न बिगड़ता वो शब-ए-वस्ल
अब हम से कोई बात बनाई नहीं जाती
देखो तो ज़रा ख़ाक में हम मिलते हैं क्यूँकर
ये नीची निगह अब भी उठाई नहीं जाती
कहती है शब-ए-हिज्र बहुत ज़िंदा रहोगे
माँगा करो तुम मौत अभी आई नहीं जाती
वो हम से मुकद्दर हैं तो हम उन से मुकद्दर
कह देते हैं साफ़ अपनी सफ़ाई नहीं जाती
हम सुल्ह भी कर लें तो चली जाती है उन में
बाहम दिल ओ दिलबर की लड़ाई नहीं जाती
ख़ुद दिल में चले आओगे जब क़स्द करोगे
ये राह बताने से बताई नहीं जाती
छुपती है 'जलाल' आँखों में कब हसरत-ए-दीदार
सौ पर्दे अगर हों तो छुपाई नहीं जाती
kyuuñ vasl meñ bhī aañkh milā.ī nahīñ jaatī
vo farq diloñ kā vo judā.ī nahīñ jaatī
kyā dhuum bhī nāloñ se machā.ī nahīñ jaatī
sotī huī taqdīr jagā.ī nahīñ jaatī
kuchh shikva na karte na bigaḌtā vo shab-e-vasl
ab ham se koī baat banā.ī nahīñ jaatī
dekho to zarā ḳhaak meñ ham milte haiñ kyūñkar
ye nīchī nigah ab bhī uThā.ī nahīñ jaatī
kahtī hai shab-e-hijr bahut zinda rahoge
māñgā karo tum maut abhī aa.ī nahīñ jaatī
vo ham se mukaddar haiñ to ham un se mukaddar
kah dete haiñ saaf apnī safā.ī nahīñ jaatī
ham sulh bhī kar leñ to chalī jaatī hai un meñ
bāham dil o dilbar kī laḌā.ī nahīñ jaatī
ḳhud dil meñ chale aaoge jab qasd karoge
ye raah batāne se batā.ī nahīñ jaatī
chhuptī hai 'jalāl' āñkhoñ meñ kab hasrat-e-dīdār
sau parde agar hoñ to chhupā.ī nahīñ jaatī
کیوں وصل میں بھی آنکھ ملائی نہیں جاتی
وہ فرق دلوں کا وہ جدائی نہیں جاتی
کیا دھوم بھی نالوں سے مچائی نہیں جاتی
سوتی ہوئی تقدیر جگائی نہیں جاتی
کچھ شکوہ نہ کرتے نہ بگڑتا وہ شب وصل
اب ہم سے کوئی بات بنائی نہیں جاتی
دیکھو تو ذرا خاک میں ہم ملتے ہیں کیونکر
یہ نیچی نگہ اب بھی اٹھائی نہیں جاتی
کہتی ہے شب ہجر بہت زندہ رہوگے
مانگا کرو تم موت ابھی آئی نہیں جاتی
وہ ہم سے مکدر ہیں تو ہم ان سے مکدر
کہہ دیتے ہیں صاف اپنی صفائی نہیں جاتی
ہم صلح بھی کر لیں تو چلی جاتی ہے ان میں
باہم دل و دلبر کی لڑائی نہیں جاتی
خود دل میں چلے آؤ گے جب قصد کرو گے
یہ راہ بتانے سے بتائی نہیں جاتی
چھپتی ہے جلالؔ آنکھوں میں کب حسرت دیدار
سو پردے اگر ہوں تو چھپائی نہیں جاتی