बे-बाक न देखा कोई क़ातिल के बराबर
शर्म आँख में पाई न गई तिल के बराबर
दुश्मन कोई ऐ यार मिरा और तिरा दोस्त
होगा न ज़माने में मिरे दिल के बराबर
दिल मुत्तसिल-ए-कूचा-ए-महबूब हुआ गुम
लुटना था पहुँच कर मुझे मंज़िल के बराबर
कम-बख़्ती-ए-वाइज़ है कि हो वाज़ की सोहबत
रिन्दान-क़द्ह-नोश की महफ़िल के बराबर
हम पी गए जो अश्क क़रीब-ए-मिज़ा आया
कश्ती हुई जब ग़र्क़ तो साहिल के बराबर
आहों के शरर गर्द नहीं दाग़-ए-जिगर के
ताबिंदा हैं अख़्तर मह-ए-कामिल के बराबर
पर्दा न उठा क़ैस ने लैला को न देखा
झोंका भी न आया कोई महमिल के बराबर
मक़्तल में ये हसरत रही ऐ ज़ोफ़ पस-ए-ज़ब्ह
पहुँचे न तड़प कर किसी बिस्मिल के बराबर
घर तक दर-ए-जानाँ से 'जलाल' आइए क्यूँ कर
एक एक क़दम है कई मंज़िल के बराबर
be-bāk na dekhā koī qātil ke barābar
sharm aañkh meñ paa.ī na ga.ī til ke barābar
dushman koī ai yaar mirā aur tirā dost
hogā na zamāne meñ mire dil ke barābar
dil muttasil-e-kūcha-e-mahbūb huā gum
luTnā thā pahuñch kar mujhe manzil ke barābar
kam-baḳhtī-e-vā.iz hai ki ho va.az kī sohbat
rindān-e-qadah-nosh kī mahfil ke barābar
ham pī ga.e jo ashk qarīb-e-mizha aayā
kashtī huī jab ġharq to sāhil ke barābar
aahoñ ke sharar gard nahīñ dāġh-e-jigar ke
tābinda haiñ aḳhtar mah-e-kāmil ke barābar
parda na uThā qais ne lailā ko na dekhā
jhoñkā bhī na aayā koī mahmil ke barābar
maqtal meñ ye hasrat rahī ai zo.af pas-e-zab.h
pahuñche na taḌap kar kisī bismil ke barābar
ghar tak dar-e-jānāñ se 'jalāl' aa.iye kyuuñ kar
ek ek qadam hai ka.ī manzil ke barābar
بے باک نہ دیکھا کوئی قاتل کے برابر
شرم آنکھ میں پائی نہ گئی تل کے برابر
دشمن کوئی اے یار مرا اور ترا دوست
ہوگا نہ زمانے میں مرے دل کے برابر
دل متصل کوچۂ محبوب ہوا گم
لٹنا تھا پہنچ کر مجھے منزل کے برابر
کم بختیٔ واعظ ہے کہ ہو وعظ کی صحبت
رندان قدح نوش کی محفل کے برابر
ہم پی گئے جو اشک قریب مژہ آیا
کشتی ہوئی جب غرق تو ساحل کے برابر
آہوں کے شرر گرد نہیں داغ جگر کے
تابندہ ہیں اختر مہ کامل کے برابر
پردہ نہ اٹھا قیس نے لیلیٰ کو نہ دیکھا
جھونکا بھی نہ آیا کوئی محمل کے برابر
مقتل میں یہ حسرت رہی اے ضعف پس ذبح
پہنچے نہ تڑپ کر کسی بسمل کے برابر
گھر تک در جاناں سے جلالؔ آئیے کیوں کر
ایک ایک قدم ہے کئی منزل کے برابر