गरेबाँ को जुनूँ में ता-ब-दामन चाक होना था
जवाब-ए-जादा-ए-सहरा-ए-वहशत-नाक होना था
तग़ाफ़ुल के गिले सुन कर झुका लीं तुम ने क्यों आँखें
मिरे शर्मिंदा करने को ज़रा बेबाक होना था
निगाह-ए-गर्म की बिजली से जलना था मुक़द्दर में
किसी को आग होना था किसी को ख़ाक होना था
जो आँखें पूछतीं उस की तो दिल मेरा बता देता
यहाँ शर्मा के झुकना था यहाँ बेबाक होना था
तड़प दिल की दिखाना था 'जलाल' उन शोख़-चश्मों को
वहीं की बख़्त ने सुस्ती जहाँ चालाक होना था
garebāñ ko junūñ meñ tā-ba-dāman chaak honā thā
javāb-e-jāda-e-sahrā-e-vahshat-nāk honā thā
taġhāful ke gile sun kar jhukā liiñ tum ne kyoñ āñkheñ
mire sharminda karne ko zarā bebāk honā thā
nigāh-e-garm kī bijlī se jalnā thā muqaddar meñ
kisī ko aag honā thā kisī ko ḳhaak honā thā
jo āñkheñ pūchhtīñ us kī to dil merā batā detā
yahāñ sharmā ke jhuknā thā yahāñ bebāk honā thā
taḌap dil kī dikhānā thā 'jalāl' un shoḳh-chashmoñ ko
vahīñ kī baḳht ne sustī jahāñ chālāk honā thā
گریباں کو جنوں میں تا بہ دامن چاک ہونا تھا
جواب جادۂ صحرائے وحشت ناک ہونا تھا
تغافل کے گلے سن کر جھکا لیں تم نے کیوں آنکھیں
مرے شرمندہ کرنے کو ذرا بے باک ہونا تھا
نگاہ گرم کی بجلی سے جلنا تھا مقدر میں
کسی کو آگ ہونا تھا کسی کو خاک ہونا تھا
جو آنکھیں پوچھتیں اس کی تو دل میرا بتا دیتا
یہاں شرما کے جھکنا تھا یہاں بے باک ہونا تھا
تڑپ دل کی دکھانا تھا جلالؔ ان شوخ چشموں کو
وہیں کی بخت نے سستی جہاں چالاک ہونا تھا