या-रब मिरे माज़ी का ख़सारा मुझे मिल जाए
खोई थी मोहब्बत जो दुबारा मुझे मिल जाए
जो 'इश्क़ के क़ैदी हैं रिहाई उन्हें दूँगा
दुनिया पे किसी दिन जो इजारा मुझे मिल जाए
सब छोड़ने को आज भी तय्यार खड़ा हूँ
उस सम्त से बस एक इशारा मुझे मिल जाए
उस आँख का मय-ख़ाने में जब ज़िक्र छिड़ा तो
हर रिंद ने महफ़िल में पुकारा मुझे मिल जाए
सर्दी है दिसम्बर भी है मौसम भी हसीं है
ऐसे में अगर साथ तुम्हारा मुझे मिल जाए
दुनिया को मैं पा कर ये दु'आ माँग रहा हूँ
वो शख़्स जो दुनिया पे था वारा मुझे मिल जाए
क्या आँख है क्या गाल हैं क्या ज़ुल्फ़ है क्या लब
ऐ काश कि वो सारे का सारा मुझे मिल जाए
yā-rab mire maazī kā ḳhasāra mujhe mil jaa.e
khoī thī mohabbat jo dubāra mujhe mil jaa.e
jo 'ishq ke qaidī haiñ rihā.ī unheñ dūñgā
duniyā pe kisī din jo ijāra mujhe mil jaa.e
sab chhoḌne ko aaj bhī tayyār khaḌā huuñ
us samt se bas ek ishāra mujhe mil jaa.e
us aañkh kā mai-ḳhāne meñ jab zikr chhiḌā to
har rind ne mahfil meñ pukārā mujhe mil jaa.e
sardī hai december bhī hai mausam bhī hasīñ hai
aise meñ agar saath tumhārā mujhe mil jaa.e
duniyā ko maiñ pā kar ye du'ā maañg rahā huuñ
vo shaḳhs jo duniyā pe thā vaarā mujhe mil jaa.e
kyā aañkh hai kyā gaal haiñ kyā zulf hai kyā lab
ai kaash ki vo saare kā saarā mujhe mil jaa.e
یارب مرے ماضی کا خسارہ مجھے مل جائے
کھوئی تھی محبت جو دوبارہ مجھے مل جائے
جو عشق کے قیدی ہیں رہائی انہیں دوں گا
دنیا پہ کسی دن جو اجارہ مجھے مل جائے
سب چھوڑنے کو آج بھی تیار کھڑا ہوں
اس سمت سے بس ایک اشارہ مجھے مل جائے
اس آنکھ کا مے خانے میں جب ذکر چھڑا تو
ہر رند نے محفل میں پکارا مجھے مل جائے
سردی ہے دسمبر بھی ہے موسم بھی حسیں ہے
ایسے میں اگر ساتھ تمہارا مجھے مل جائے
دنیا کو میں پا کر یہ دعا مانگ رہا ہوں
وہ شخص جو دنیا پہ تھا وارا مجھے مل جائے
کیا آنکھ ہے کیا گال ہیں کیا زلف ہے کیا لب
اے کاش کہ وہ سارے کا سارا مجھے مل جائے