हिसार-ए-निकहत-ए-गुल में सर-ए-बहार था मैं
वो दिन भी क्या थे कि इक अप्सरा का यार था मैं
जुदाइयों का सबब खुल नहीं सका अब तक
वो बेवफ़ा भी न थी और वफ़ा-शि'आर था मैं
थी ग़ैर सुब्ह-ओ-मसा बिन तिरे मिरी हालत
मलूल शब से दिनों से गिला-गुज़ार था मैं
कोई भी अज़दहा रौज़न से दर नहीं आया
उसी ने मुझ को डसा जिस का यार-ए-ग़ार था मैं
वही थे जान के दुश्मन बने हुए मेरे
उन्ही के चाहने वालों में भी शुमार था मैं
किसी के वस्ल ने यकजा रखा था मेरा वजूद
किसी के हिज्र में टूटा तो बे-शुमार था मैं
कि जॉकी जूँ कोई बच्चा बना दिया जाए
'मलाल' तौसन-ए-हस्ती पे यूँ सवार था मैं
hisār-e-nik.hat-e-gul meñ sar-e-bahār thā maiñ
vo din bhī kyā the ki ik apsarā kā yaar thā maiñ
judā.iyoñ kā sabab khul nahīñ sakā ab tak
vo bevafā bhī na thī aur vafā-shi'ār thā maiñ
thī ġhair sub.h-o-masā bin tire mirī hālat
malūl shab se dinoñ se gila-guzār thā maiñ
koī bhī azhdahā rauzan se dar nahīñ aayā
usī ne mujh ko Dasā jis kā yār-e-ġhār thā maiñ
vahī the jaan ke dushman bane hue mere
unhī ke chāhne vāloñ meñ bhī shumār thā maiñ
kisī ke vasl ne yakjā rakhā thā merā vajūd
kisī ke hijr meñ TuuTā to be-shumār thā maiñ
ki jockey juuñ koī bachcha banā diyā jaa.e
'malāl' tausan-e-hastī pe yuuñ savār thā maiñ
حصار نکہت گل میں سر بہار تھا میں
وہ دن بھی کیا تھے کہ اک اپسرا کا یار تھا میں
جدائیوں کا سبب کھل نہیں سکا اب تک
وہ بے وفا بھی نہ تھی اور وفا شعار تھا میں
تھی غیر صبح و مسا بن ترے مری حالت
ملول شب سے دنوں سے گلہ گزار تھا میں
کوئی بھی اژدہا روزن سے در نہیں آیا
اسی نے مجھ کو ڈسا جس کا یار غار تھا میں
وہی تھے جان کے دشمن بنے ہوئے میرے
انہی کے چاہنے والوں میں بھی شمار تھا میں
کسی کے وصل نے یکجا رکھا تھا میرا وجود
کسی کے ہجر میں ٹوٹا تو بے شمار تھا میں
کہ جاکی جوں کوئی بچہ بنا دیا جائے
ملالؔ توسن ہستی پہ یوں سوار تھا میں