या-अली कह कर बुत-ए-पिंदार तोड़ा चाहिए
नफ़्स-ए-अम्मारा की गर्दन को मरोड़ा चाहिए
तंग आ कर जिस्म को ऐ रूह छोड़ा चाहिए
तिफ़्ल-तबओं के लिए मिट्टी का घोड़ा चाहिए
ज़ुल्फ़ के सौदे में अपने सर को फोड़ा चाहिए
जब बला का सामना हो मुँह न मोड़ा चाहिए
घूरती है तुम को नर्गिस आँख फोड़ा चाहिए
गुल बहुत हँसते हैं कान उन के मरोड़ा चाहिए
आज-कल होता है अपना इश्क़-ए-पिन्हाँ आश्कार
पक चुका है ख़ूब अब फूटे ये फोड़ा चाहिए
माँगता हूँ मैं ख़ुदा से अपने दिल से दाग़-ए-इश्क़
बादशाह-ए-हुस्न के सिक्के का तोड़ा चाहिए
उन लबों के इश्क़ ने है जैसे दीवाना किया
बड़ अपनी है इक लालों का जोड़ा चाहिए
दे रहा है गेसू-ए-मुश्कीन सौदे को जगह
किस के आगे जा के अपने सर को फोड़ा चाहिए
बादा-ए-गुल-गूँ के शीशे का हूँ साइल साक़िया
साथ कैफ़िय्यत के उड़ता मुझ को घोड़ा चाहिए
ये सदा आती है रफ़्तार-ए-समंद-ए-उम्र से
वो भी घोड़ा है कोई जिस को कि कोड़ा चाहिए
क़त्अ मिक़राज़-ए-ख़मोशी से ज़बाँ को कीजिए
क़ुफ़्ल दे कर गंज पर मिफ़्ताह तोड़ा चाहिए
अपने दीवाने का दिल ले कर ये कहता है वो तिफ़्ल
ये खिलौना है इसी क़ाबिल कि तोड़ा चाहिए
ज़ुल्फ़ें रू-ए-यार पर बे-वज्ह लहराती नहीं
कुछ न कुछ ज़हर अगले ये काले का जोड़ा चाहिए
बाग़बाँ से छुप के गुल-चीनी जो की तो क्या किया
आँख बुलबुल की बचा कर फूल तोड़ा चाहिए
फ़स्ल-ए-गुल में बेड़ियाँ काटी हैं मेरे पाँव की
हाथ में हद्दाद के सोने का तोड़ा चाहिए
बाग़-ए-आलम में यही मेरी दुआ है रोज़-ओ-शब
ख़ार ख़ार इश्क़-ए-गुल-ए-रुख़्सार तोड़ा चाहिए
इश्क़ की मुश्किल-पसंदी से हुआ ये आश्कार
ख़ूबसूरत को ग़ुरूर-ए-हुस्न थोड़ा चाहिए
ज़मज़मे सुन कर मिरे सय्याद-ए-गुल-रू ने कहा
ज़ब्ह कीजे ऐसे बुलबुल को न छोड़ा चाहिए
पीर हो 'आतिश' कफ़न का सामना है अन-क़रीब
तौबा कीजे दामन-ए-तर को निचोड़ा चाहिए
yā-alī kah kar but-e-pindār toḌā chāhiye
nafs-e-ammāra kī gardan ko maroḌā chāhiye
tañg aa kar jism ko ai ruuh chhoḌā chāhiye
tifl-tabaoñ ke liye miTTī kā ghoḌā chāhiye
zulf ke saude meñ apne sar ko phoḌā chāhiye
jab balā kā sāmnā ho muñh na moḌā chāhiye
ghūrtī hai tum ko nargis aañkh phoḌā chāhiye
gul bahut hañste haiñ kaan un ke maroḌā chāhiye
āj-kal hotā hai apnā ishq-e-pinhāñ āshkār
pak chukā hai ḳhuub ab phūTe ye phoḌā chāhiye
māñgtā huuñ maiñ ḳhudā se apne dil se dāġh-e-ishq
bādshāh-e-husn ke sikke kā toḌā chāhiye
un laboñ ke ishq ne hai jaise dīvāna kiyā
baḌ apnī hai ik lāloñ kā joḌā chāhiye
de rahā hai gesu-e-mushkīn saude ko jagah
kis ke aage jā ke apne sar ko phoḌā chāhiye
bāda-e-gul-gūñ ke shīshe kā huuñ saa.il sāqiyā
saath kaifiyyat ke uḌtā mujh ko ghoḌā chāhiye
ye sadā aatī hai raftār-e-samand-e-umr se
vo bhī ghoḌā hai koī jis ko ki koḌā chāhiye
qat.a miqrāz-e-ḳhamoshī se zabāñ ko kījiye
qufl de kar ganj par miftāh toḌā chāhiye
apne dīvāne kā dil le kar ye kahtā hai vo tifl
ye khilaunā hai isī qābil ki toḌā chāhiye
zulfeñ rū-e-yār par be-vaj.h lahrātī nahīñ
kuchh na kuchh zahr agle ye kaale kā joḌā chāhiye
bāġhbāñ se chhup ke gul-chīnī jo kī to kyā kiyā
aañkh bulbul kī bachā kar phuul toḌā chāhiye
fasl-e-gul meñ beḌiyāñ kaaTī haiñ mere paañv kī
haath meñ haddād ke sone kā toḌā chāhiye
bāġh-e-ālam meñ yahī merī duā hai roz-o-shab
ḳhaar ḳhaar ishq-e-gul-e-ruḳhsār toḌā chāhiye
ishq kī mushkil-pasandī se huā ye āshkār
ḳhūbsūrat ko ġhurūr-e-husn thoḌā chāhiye
zamzame sun kar mire sayyād-e-gul-rū ne kahā
zab.h kiije aise bulbul ko na chhoḌā chāhiye
piir ho 'ātish' kafan kā sāmnā hai an-qarīb
tauba kiije dāman-e-tar ko nichoḌā chāhiye
یا علی کہہ کر بت پندار توڑا چاہئے
نفس امارہ کی گردن کو مروڑا چاہئے
تنگ آ کر جسم کو اے روح چھوڑا چاہئے
طفل طبعوں کے لیے مٹی کا گھوڑا چاہئے
زلف کے سودے میں اپنے سر کو پھوڑا چاہئے
جب بلا کا سامنا ہو منہ نہ موڑا چاہئے
گھورتی ہے تم کو نرگس آنکھ پھوڑا چاہئے
گل بہت ہنستے ہیں کان ان کے مروڑا چاہئے
آج کل ہوتا ہے اپنا عشق پنہاں آشکار
پک چکا ہے خوب اب پھوٹے یہ پھوڑا چاہئے
مانگتا ہوں میں خدا سے اپنے دل سے داغ عشق
بادشاہ حسن کے سکے کا توڑا چاہئے
ان لبوں کے عشق نے ہے جیسے دیوانہ کیا
بڑ اپنی ہے اک لالوں کا جوڑا چاہئے
دے رہا ہے گیسوئے مشکین سودے کو جگہ
کس کے آگے جا کے اپنے سر کو پھوڑا چاہئے
بادۂ گلگوں کے شیشہ کا ہوں سائل ساقیا
ساتھ کیفیت کے اڑتا مجھ کو گھوڑا چاہئے
یہ صدا آتی ہے رفتار سمند عمر سے
وہ بھی گھوڑا ہے کوئی جس کو کہ کوڑا چاہئے
قطع مقراض خموشی سے زباں کو کیجئے
قفل دے کر گنج پر مفتاح توڑا چاہئے
اپنے دیوانہ کا دل لے کر یہ کہتا ہے وہ طفل
یہ کھلونا ہے اسی قابل کہ توڑا چاہئے
زلفیں روئے یار پر بے وجہ لہراتی نہیں
کچھ نہ کچھ زہر اگلے یہ کالے کا جوڑا چاہئے
باغباں سے چھپ کے گل چینی جو کی تو کیا کیا
آنکھ بلبل کی بچا کر پھول توڑا چاہئے
فصل گل میں بیڑیاں کاٹی ہیں میرے پاؤں کی
ہاتھ میں حداد کے سونے کا توڑا چاہئے
باغ عالم میں یہی میری دعا ہے روز و شب
خار خار عشق گل رخسار توڑا چاہئے
عشق کی مشکل پسندی سے ہوا یہ آشکار
خوب صورت کو غرور حسن تھوڑا چاہئے
زمزمے سن کر مرے صیاد گل رو نے کہا
ذبح کیجے ایسے بلبل کو نہ چھوڑا چاہئے
پیر ہو آتشؔ کفن کا سامنا ہے عن قریب
توبہ کیجے دامن تر کو نچوڑا چاہئے