वो क़रीब भी हैं तो क्या हुआ हमें अपने काम से काम है
वही जुस्तुजू वही बे-ख़ुदी वही ज़िंदगी का निज़ाम है
तलब इर्तिक़ा की असास है कि ग़म-ए-असीरी का नाम है
कि जहाँ चमन है वहीं क़फ़स जहाँ दाना है वहीं दाम है
हमा-वक़्त मुझ को यही है ग़म कि उन्हें है मेरा ख़याल कम
मगर इस की फ़िक्र कभी नहीं कि मिरा जुनूँ भी तो ख़ाम है
मुझे मय-कदे में किसी ने कल ये बताया मस्लक-ए-आशिक़ी
जिसे बादा वज्ह-ए-सुरूर हो उसे बादा पीना हराम है
ये है शान-ए-महफ़िल-ए-आशिक़ी कि तवील अर्सा गुज़र के भी
वही बुत-कदे की सी सुब्ह है वही मय-कदे की सी शाम है
ये है कैसा आलम-ए-बे-ख़ुदी नहीं होश उन की रज़ा का भी
जो यही है 'कैफ़' जुनून-ए-ग़म तो जुनून-ए-ग़म को सलाम है
vo qarīb bhī haiñ to kyā huā hameñ apne kaam se kaam hai
vahī justujū vahī be-ḳhudī vahī zindagī kā nizām hai
talab irtiqā kī asaas hai ki ġham-e-asīrī kā naam hai
ki jahāñ chaman hai vahīñ qafas jahāñ daana hai vahīñ daam hai
hama-vaqt mujh ko yahī hai ġham ki unheñ hai merā ḳhayāl kam
magar is kī fikr kabhī nahīñ ki mirā junūñ bhī to ḳhaam hai
mujhe mai-kade meñ kisī ne kal ye batāyā maslak-e-āshiqī
jise baada vaj.h-e-surūr ho use baada piinā harām hai
ye hai shān-e-mahfil-e-āshiqī ki tavīl arsa guzar ke bhī
vahī but-kade kī sī sub.h hai vahī mai-kade kī sī shaam hai
ye hai kaisā ālam-e-be-ḳhudī nahīñ hosh un kī razā kā bhī
jo yahī hai 'kaif' junūn-e-ġham to junūn-e-ġham ko salām hai
وہ قریب بھی ہیں تو کیا ہوا ہمیں اپنے کام سے کام ہے
وہی جستجو وہی بے خودی وہی زندگی کا نظام ہے
طلب ارتقا کی اساس ہے کہ غم اسیری کا نام ہے
کہ جہاں چمن ہے وہیں قفس جہاں دانہ ہے وہیں دام ہے
ہمہ وقت مجھ کو یہی ہے غم کہ انہیں ہے میرا خیال کم
مگر اس کی فکر کبھی نہیں کہ مرا جنوں بھی تو خام ہے
مجھے میکدے میں کسی نے کل یہ بتایا مسلک عاشقی
جسے بادہ وجہ سرور ہو اسے بادہ پینا حرام ہے
یہ ہے شان محفل عاشقی کہ طویل عرصہ گزر کے بھی
وہی بت کدہ کی سی صبح ہے وہی میکدے کی سی شام ہے
یہ ہے کیسا عالم بے خودی نہیں ہوش ان کی رضا کا بھی
جو یہی ہے کیفؔ جنون غم تو جنون غم کو سلام ہے