बढ़े चलो कि ज़माने को ये दिखाना है
जहाँ हमारे क़दम हैं वहीं ज़माना है
ये हुस्न-ओ-इश्क़ की तफ़रीक़ इक बहाना है
कहीं नज़र को कहीं दिल को आज़माना है
अब इस जुनून-ए-तलब का कोई ठिकाना है
कि अपने आप को खो कर भी उन को पाना है
बस एक इश्क़ ही ऐसा शराब-ख़ाना है
जहाँ सुरूर का मफ़्हूम होश आना है
इलाही तमकनत-ए-हुस्न-ओ-नाज़-ए-हुस्न की ख़ैर
कुछ आज इश्क़ का अंदाज़ वालिहाना है
मैं हर गुनाह की हक़ीक़त बता तो दूँ सर-ए-हश्र
मगर उन्हें जो हर इल्ज़ाम से बचाना है
ज़रा जुनून-ए-तमन्ना से दिल गुज़र जाए
फिर इस के बाद कोई दाम है न दाना है
मैं जानता हूँ जो है फ़र्क़-ए-ज़ात-ओ-परतव-ए-ज़ात
मिरी निगाह पस-ए-पर्दा-ए-ज़माना है
किसे नसीब हो सज्दा ये और बात है 'कैफ़'
हर इक जबीं के क़रीब उन का आस्ताना है
baḌhe chalo ki zamāne ko ye dikhānā hai
jahāñ hamāre qadam haiñ vahīñ zamāna hai
ye husn-o-ishq kī tafrīq ik bahāna hai
kahīñ nazar ko kahīñ dil ko āzmānā hai
ab is junūn-e-talab kā koī Thikāna hai
ki apne aap ko kho kar bhī un ko paanā hai
bas ek ishq hī aisā sharāb-ḳhāna hai
jahāñ surūr kā mafhūm hosh aanā hai
ilāhī tamkanat-e-husn-o-nāz-e-husn kī ḳhair
kuchh aaj ishq kā andāz vālihāna hai
maiñ har gunāh kī haqīqat batā to duuñ sar-e-hashr
magar unheñ jo har ilzām se bachānā hai
zarā junūn-e-tamannā se dil guzar jaa.e
phir is ke baad koī daam hai na daana hai
maiñ jāntā huuñ jo hai farq-e-zāt-o-partav-e-zāt
mirī nigāh pas-e-parda-e-zamāna hai
kise nasīb ho sajda ye aur baat hai 'kaif'
har ik jabīñ ke qarīb un kā āstāna hai
بڑھے چلو کہ زمانے کو یہ دکھانا ہے
جہاں ہمارے قدم ہیں وہیں زمانہ ہے
یہ حسن و عشق کی تفریق اک بہانہ ہے
کہیں نظر کو کہیں دل کو آزمانا ہے
اب اس جنون طلب کا کوئی ٹھکانہ ہے
کہ اپنے آپ کو کھو کر بھی ان کو پانا ہے
بس ایک عشق ہی ایسا شراب خانہ ہے
جہاں سرور کا مفہوم ہوش آنا ہے
الٰہی تمکنت حسن و ناز حسن کی خیر
کچھ آج عشق کا انداز والہانہ ہے
میں ہر گناہ کی حقیقت بتا تو دوں سر حشر
مگر انہیں جو ہر الزام سے بچانا ہے
ذرا جنون تمنا سے دل گزر جائے
پھر اس کے بعد کوئی دام ہے نہ دانہ ہے
میں جانتا ہوں جو ہے فرق ذات و پرتو ذات
مری نگاہ پس پردۂ زمانہ ہے
کسے نصیب ہو سجدہ یہ اور بات ہے کیفؔ
ہر اک جبیں کے قریب ان کا آستانہ ہے