वो मिला मुझ को न जाने ख़ोल कैसा ओढ़ कर
रौशनी गुम हो गई अपना ही साया ओढ़ कर
नींद से बोझल हैं पत्ते ऊँघते से पेड़ हैं
शहर सोया है ख़मोशी का लबादा ओढ़ कर
ढूँढता फिरता था मैं हर शख़्स के असली नुक़ूश
लोग मिलते थे मुझे चेहरे पे चेहरा ओढ़ कर
मुंजमिद सा हो गया हूँ ख़ुनकी-ए-एहसास से
धूप भी निकली है लेकिन तन पे कपड़ा ओढ़ कर
रंग सारे धो गया है रात का बादल 'नसीम'
और घर नंगे हुए पानी बरसता ओढ़ कर
vo milā mujh ko na jaane ḳhol kaisā oḌh kar
raushnī gum ho ga.ī apnā hī saayā oḌh kar
niiñd se bojhal haiñ patte ūñghte se peḌ haiñ
shahr soyā hai ḳhamoshī kā labāda oḌh kar
DhūñDhtā phirtā thā maiñ har shaḳhs ke aslī nuqūsh
log milte the mujhe chehre pe chehrā oḌh kar
munjamid sā ho gayā huuñ ḳhunkī-e-ehsās se
dhuup bhī niklī hai lekin tan pe kapḌā oḌh kar
rang saare dho gayā hai raat kā bādal 'nasīm'
aur ghar nañge hue paanī barastā oḌh kar
وہ ملا مجھ کو نہ جانے خول کیسا اوڑھ کر
روشنی گم ہو گئی اپنا ہی سایا اوڑھ کر
نیند سے بوجھل ہیں پتے اونگھتے سے پیڑ ہیں
شہر سویا ہے خموشی کا لبادہ اوڑھ کر
ڈھونڈھتا پھرتا تھا میں ہر شخص کے اصلی نقوش
لوگ ملتے تھے مجھے چہرے پہ چہرا اوڑھ کر
منجمد سا ہو گیا ہوں خنکیٔ احساس سے
دھوپ بھی نکلی ہے لیکن تن پہ کپڑا اوڑھ کر
رنگ سارے دھو گیا ہے رات کا بادل نسیمؔ
اور گھر ننگے ہوئے پانی برستا اوڑھ کر