वो ख़्वाब या ख़याल है मैं जान लूँ तो कुछ कहूँ
जो रंज-ए-माह-ओ-साल है मैं जान लूँ तो कुछ कहूँ
अभी मुझे ख़बर नहीं मैं किस लिए उदास हूँ
जो हुज़्न है मलाल है मैं जान लूँ तो कुछ कहूँ
ग़ुबार-ए-आरज़ू छटे तो फिर कोई ख़बर मिले
ये हिज्र है विसाल है मैं जान लूँ तो कुछ कहूँ
फ़क़ीह-ए-शहर एक जाम पी के देख लूँ ज़रा
हराम या हलाल है मैं जान लूँ तो कुछ कहूँ
कई दिनों से एक शे'र भी नहीं कहा गया
उरूज या ज़वाल है मैं जान लूँ तो कुछ कहूँ
गो ज़ख़्म सिल गए मगर कसक तो और बढ़ गई
ये कैसा इंदिमाल है मैं जान लूँ तो कुछ कहूँ
कली चटकने दीजिए अभी न मुझ से पूछिए
ये ज़र्द है कि लाल है मैं जान लूँ तो कुछ कहूँ
रदीफ़ और क़ाफ़िए निभा दिए गए मगर
ग़ज़ल भी ला-ज़वाल है मैं जान लूँ तो कुछ कहूँ
अभी तो मेरे पास था अभी ये दिल किधर गया
ये ज़ुल्फ़ है कि जाल है मैं जान लूँ तो कुछ कहूँ
हमारे साथ यार लोग फिर से हाथ कर गए
या अब के तेरी चाल है मैं जान लूँ तो कुछ कहूँ
vo ḳhvāb yā ḳhayāl hai maiñ jaan luuñ to kuchh kahūñ
jo ranj-e-māh-o-sāl hai maiñ jaan luuñ to kuchh kahūñ
abhī mujhe ḳhabar nahīñ maiñ kis liye udaas huuñ
jo huzn hai malāl hai maiñ jaan luuñ to kuchh kahūñ
ġhubār-e-ārzū chhaTe to phir koī ḳhabar mile
ye hijr hai visāl hai maiñ jaan luuñ to kuchh kahūñ
faqīh-e-shahr ek jaam pī ke dekh luuñ zarā
harām yā halāl hai maiñ jaan luuñ to kuchh kahūñ
ka.ī dinoñ se ek sher bhī nahīñ kahā gayā
uruuj yā zavāl hai maiñ jaan luuñ to kuchh kahūñ
go zaḳhm sil ga.e magar kasak to aur baḌh ga.ī
ye kaisā indimāl hai maiñ jaan luuñ to kuchh kahūñ
kalī chaTakne dījiye abhī na mujh se pūchhiye
ye zard hai ki laal hai maiñ jaan luuñ to kuchh kahūñ
radīf aur qāfiye nibhā diye ga.e magar
ġhazal bhī lā-zavāl hai maiñ jaan luuñ to kuchh kahūñ
abhī to mere paas thā abhī ye dil kidhar gayā
ye zulf hai ki jaal hai maiñ jaan luuñ to kuchh kahūñ
hamāre saath yaar log phir se haath kar ga.e
yā ab ke terī chaal hai maiñ jaan luuñ to kuchh kahūñ
وہ خواب یا خیال ہے میں جان لوں تو کچھ کہوں
جو رنج ماہ و سال ہے میں جان لوں تو کچھ کہوں
ابھی مجھے خبر نہیں میں کس لئے اداس ہوں
جو حزن ہے ملال ہے میں جان لوں تو کچھ کہوں
غبار آرزو چھٹے تو پھر کوئی خبر ملے
یہ ہجر ہے وصال ہے میں جان لوں تو کچھ کہوں
فقیہ شہر ایک جام پی کے دیکھ لوں ذرا
حرام یا حلال ہے میں جان لوں تو کچھ کہوں
کئی دنوں سے ایک شعر بھی نہیں کہا گیا
عروج یا زوال ہے میں جان لوں تو کچھ کہوں
گو زخم سل گئے مگر کسک تو اور بڑھ گئی
یہ کیسا اندمال ہے میں جان لوں تو کچھ کہوں
کلی چٹکنے دیجئے ابھی نہ مجھ سے پوچھئے
یہ زرد ہے کہ لال ہے میں جان لوں تو کچھ کہوں
ردیف اور قافیے نبھا دئے گئے مگر
غزل بھی لا زوال ہے میں جان لوں تو کچھ کہوں
ابھی تو میرے پاس تھا ابھی یہ دل کدھر گیا
یہ زلف ہے کہ جال ہے میں جان لوں تو کچھ کہوں
ہمارے ساتھ یار لوگ پھر سے ہاتھ کر گئے
یا اب کے تیری چال ہے میں جان لوں تو کچھ کہوں