शाम होते ही चराग़ों को जलाने वाले
लौट के आते नहीं छोड़ के जाने वाले
तू मिरी आँख को भाया है मिरे दिल को नहीं
तेरे अतवार तो लगते हैं ज़माने वाले
'उम्र भर तुझ को मिरा ख़्वाब नहीं आएगा
वस्ल की शाम मिरा हिज्र मनाने वाले
या'नी कुछ रोज़ तुझे छोड़ के मैं भी ख़ुश था
मुझ को ये बात बताते हैं बताने वाले
ज़िंदगी आज तुझे छोड़ दिया है हम ने
हम नहीं आज तिरे नाज़ उठाने वाले
तू ने देखी मिरे हाथों की महारत लेकिन
वो मिरे पाँव मिरा चाक घुमाने वाले
शौक़-ए-नज़्ज़ारा लिए आँख किधर जाएगी
हुस्न वाले हैं तिरे शहर से जाने वाले
ये भी मुमकिन है हवा कोई तमाशा कर दे
हम तिरे नाम की शमएँ हैं जलाने वाले
shaam hote hī charāġhoñ ko jalāne vaale
lauT ke aate nahīñ chhoḌ ke jaane vaale
tū mirī aañkh ko bhāyā hai mire dil ko nahīñ
tere atvār to lagte haiñ zamāne vaale
'umr bhar tujh ko mirā ḳhvāb nahīñ aa.egā
vasl kī shaam mirā hijr manāne vaale
ya.anī kuchh roz tujhe chhoḌ ke maiñ bhī ḳhush thā
mujh ko ye baat batāte haiñ batāne vaale
zindagī aaj tujhe chhoḌ diyā hai ham ne
ham nahīñ aaj tire naaz uThāne vaale
tū ne dekhī mire hāthoñ kī mahārat lekin
vo mire paañv mirā chaak ghumāne vaale
shauq-e-nazzāra liye aañkh kidhar jā.egī
husn vaale haiñ tire shahr se jaane vaale
ye bhī mumkin hai havā koī tamāshā kar de
ham tire naam kī sham.eñ haiñ jalāne vaale
شام ہوتے ہی چراغوں کو جلانے والے
لوٹ کے آتے نہیں چھوڑ کے جانے والے
تو مری آنکھ کو بھایا ہے مرے دل کو نہیں
تیرے اطوار تو لگتے ہیں زمانے والے
عمر بھر تجھ کو مرا خواب نہیں آئے گا
وصل کی شام مرا ہجر منانے والے
یعنی کچھ روز تجھے چھوڑ کے میں بھی خوش تھا
مجھ کو یہ بات بتاتے ہیں بتانے والے
زندگی آج تجھے چھوڑ دیا ہے ہم نے
ہم نہیں آج ترے ناز اٹھانے والے
تو نے دیکھی مرے ہاتھوں کی مہارت لیکن
وہ مرے پاؤں مرا چاک گھمانے والے
شوق نظارہ لئے آنکھ کدھر جائے گی
حسن والے ہیں ترے شہر سے جانے والے
یہ بھی ممکن ہے ہوا کوئی تماشا کر دے
ہم ترے نام کی شمعیں ہیں جلانے والے