तेरे होंटों की ख़ैर माँगी है
या'नी फूलों की ख़ैर माँगी है
ये ख़बर है कि बादलों ने अभी
तेरी ज़ुल्फ़ों की ख़ैर माँगी है
सारे बुझते हुए चराग़ों ने
जलती आँखों की ख़ैर माँगी है
कुछ फ़क़ीरों ने दान के बदले
कज-कुलाहों की ख़ैर माँगी है
डोलते तख़्त उड़ते ताजों ने
बादशाहों की ख़ैर माँगी है
तेरी बिंदिया ने तेरे झुमकों ने
चाँद तारों की ख़ैर माँगी है
दौड़ती हाँपती ख़िज़ाओं ने
लाला-ज़ारों की ख़ैर माँगी है
एक सस्सी के ज़ख़्मी पैरों ने
रेगज़ारों की ख़ैर माँगी है
tere hoñToñ kī ḳhair māñgī hai
ya.anī phūloñ kī ḳhair māñgī hai
ye ḳhabar hai ki bādaloñ ne abhī
terī zulfoñ kī ḳhair māñgī hai
saare bujhte hue charāġhoñ ne
jaltī āñkhoñ kī ḳhair māñgī hai
kuchh faqīroñ ne daan ke badle
kaj-kulāhoñ kī ḳhair māñgī hai
Dolte taḳht uḌte tājoñ ne
bādshāhoñ kī ḳhair māñgī hai
terī bindiyā ne tere jhumkoñ ne
chāñd tāroñ kī ḳhair māñgī hai
dauḌtī hāñptī ḳhizāoñ ne
lāla-zāroñ kī ḳhair māñgī hai
ek sassī ke zaḳhmī pairoñ ne
regzāroñ kī ḳhair māñgī hai
تیرے ہونٹوں کی خیر مانگی ہے
یعنی پھولوں کی خیر مانگی ہے
یہ خبر ہے کہ بادلوں نے ابھی
تیری زلفوں کی خیر مانگی ہے
سارے بجھتے ہوئے چراغوں نے
جلتی آنکھوں کی خیر مانگی ہے
کچھ فقیروں نے دان کے بدلے
کج کلاہوں کی خیر مانگی ہے
ڈولتے تخت اڑتے تاجوں نے
بادشاہوں کی خیر مانگی ہے
تیری بندیا نے تیرے جھمکوں نے
چاند تاروں کی خیر مانگی ہے
دوڑتی ہانپتی خزاؤں نے
لالہ زاروں کی خیر مانگی ہے
ایک سسی کے زخمی پیروں نے
ریگزاروں کی خیر مانگی ہے