वो हुस्न था जो रहा वारदात तक महदूद
और 'इश्क़ रह न सका काएनात तक महदूद
ज़बाँ से करते रहे आसमान की बातें
मगर नज़र तो रही अपनी ज़ात तक महदूद
कहा जो उस ने हर इक हर्फ़ मो'तबर ठहरा
हमारी बात रही सिर्फ़ बात तक महदूद
वो काएनात का मालिक 'अताएँ ला-महदूद
दु'आएँ अपनी रहीं ख़्वाहिशात तक महदूद
हमें तो देखने थे ख़्वाब अगली नस्लों के
और हम तो रह गए बस ख़्वाब-ए-ज़ात तक महदूद
बस एक लफ़्ज़-ए-नदामत बस एक लफ़्ज़-ए-दु'आ
और एक मैं नज़र-ए-इल्तिफ़ात तक महदूद
हुरूफ़ जोड़ के ता'लीम हम ने पाई 'क़मर'
हमारा 'इल्म है बस लफ़्ज़ियात तक महदूद
vo husn thā jo rahā vārdāt tak mahdūd
aur 'ishq rah na sakā kā.enāt tak mahdūd
zabāñ se karte rahe āsmān kī bāteñ
magar nazar to rahī apnī zaat tak mahdūd
kahā jo us ne har ik harf mo'tabar Thahrā
hamārī baat rahī sirf baat tak mahdūd
vo kā.enāt kā mālik 'atā.eñ lā-mahdūd
du'ā.eñ apnī rahīñ ḳhvāhishāt tak mahdūd
hameñ to dekhne the ḳhvāb aglī nasloñ ke
aur ham to rah ga.e bas ḳhvāb-e-zāt tak mahdūd
bas ek lafz-e-nadāmat bas ek lafz-e-du'ā
aur ek maiñ nazar-e-iltifāt tak mahdūd
hurūf joḌ ke tā'līm ham ne paa.ī 'qamar'
hamārā 'ilm hai bas lafziyāt tak mahdūd
وہ حسن تھا جو رہا واردات تک محدود
اور عشق رہ نہ سکا کائنات تک محدود
زباں سے کرتے رہے آسمان کی باتیں
مگر نظر تو رہی اپنی ذات تک محدود
کہا جو اس نے ہر اک حرف معتبر ٹھہرا
ہماری بات رہی صرف بات تک محدود
وہ کائنات کا مالک عطائیں لا محدود
دعائیں اپنی رہیں خواہشات تک محدود
ہمیں تو دیکھنے تھے خواب اگلی نسلوں کے
اور ہم تو رہ گئے بس خواب ذات تک محدود
بس ایک لفظ ندامت بس ایک لفظ دعا
اور ایک میں نظر التفات تک محدود
حروف جوڑ کے تعلیم ہم نے پائی قمرؔ
ہمارا علم ہے بس لفظیات تک محدود