वो एक तरहा से इक़रार करने आया था
जो इतनी दूर से इंकार करने आया था
ख़ुशी जो ख़्वाब में भी मेरी दस्तरस से थी दूर
मुझे इसी का सज़ा-वार करने आया था
ये साफ़ लगता है जैसी कि उस की आँखें थीं
वो अस्ल में मुझे बीमार करने आया था
अगर था उस को मिरी हैसियत का अंदाज़ा
तो क्यूँ वो अपना ख़रीदार करने आया था
ये ज़िंदगी कि जो आसाँ नहीं थी पहले भी
उसे कुछ और भी दुश्वार करने आया था
अगरचे एक ही सुस्त-उल-वजूद था लेकिन
वो काम कोई लगातार करने आया था
मिरे तो बस में कोई चीज़ थी न पहले भी
वो मुझ को और भी लाचार करने आया था
वो एक अब्र-ए-गिराँ-बार था मगर इस दिन
ज़रा फ़ज़ा को हवा-दार करने आया था
अदावतों में वहाँ धर लिया गया हूँ 'ज़फ़र'
जहाँ के लोगों से मैं प्यार करने आया था
vo ek tarha se iqrār karne aayā thā
jo itnī duur se inkār karne aayā thā
ḳhushī jo ḳhvāb meñ bhī merī dastaras se thī duur
mujhe isī kā sazā-vār karne aayā thā
ye saaf lagtā hai jaisī ki us kī āñkheñ thiiñ
vo asl meñ mujhe bīmār karne aayā thā
agar thā us ko mirī haisiyat kā andāza
to kyuuñ vo apnā ḳharīdār karne aayā thā
ye zindagī ki jo āsāñ nahīñ thī pahle bhī
use kuchh aur bhī dushvār karne aayā thā
agarche ek hī sust-ul-vajūd thā lekin
vo kaam koī lagātār karne aayā thā
mire to bas meñ koī chiiz thī na pahle bhī
vo mujh ko aur bhī lāchār karne aayā thā
vo ek abr-e-girāñ-e-bār thā magar is din
zarā fazā ko havā-dār karne aayā thā
adāvatoñ meñ vahāñ dhar liyā gayā huuñ 'zafar'
jahāñ ke logoñ se maiñ pyaar karne aayā thā
وہ ایک طرح سے اقرار کرنے آیا تھا
جو اتنی دور سے انکار کرنے آیا تھا
خوشی جو خواب میں بھی میری دسترس سے تھی دور
مجھے اسی کا سزاوار کرنے آیا تھا
یہ صاف لگتا ہے جیسی کہ اس کی آنکھیں تھیں
وہ اصل میں مجھے بیمار کرنے آیا تھا
اگر تھا اس کو مری حیثیت کا اندازہ
تو کیوں وہ اپنا خریدار کرنے آیا تھا
یہ زندگی کہ جو آساں نہیں تھی پہلے بھی
اسے کچھ اور بھی دشوار کرنے آیا تھا
اگرچہ ایک ہی سست الوجود تھا لیکن
وہ کام کوئی لگاتار کرنے آیا تھا
مرے تو بس میں کوئی چیز تھی نہ پہلے بھی
وہ مجھ کو اور بھی لاچار کرنے آیا تھا
وہ ایک ابر گراں بار تھا مگر اس دن
ذرا فضا کو ہوا دار کرنے آیا تھا
عداوتوں میں وہاں دھر لیا گیا ہوں ظفرؔ
جہاں کے لوگوں سے میں پیار کرنے آیا تھا