वो एक लम्हा जिसे जावेदाँ कहा जाए
मिले तो हासिल-ए-उम्र-ए-रवाँ कहा जाए
उन्हीं से रूह को फ़रहत उन्हीं से दिल को क़रार
वो हादसात जिन्हें जाँ-सिताँ कहा जाए
इसी में चंद मोहब्बत के दिन भी शामिल हैं
तमाम उम्र को क्यों राएगाँ कहा जाए
मिरे नसीब में लिखे न जा सके तुम से
वो चार तिनके जिन्हें आशियाँ कहा जाए
मिरे हुजूम-ए-तमन्ना की आख़िरी मंज़िल
बस एक मर्ग जिसे ना-गहाँ कहा जाए
अदा-ए-तमकनत-ए-हुस्न का तक़ाज़ा है
हर इक सितम पे उन्हें मेहरबाँ कहा जाए
हर एक क़तरे में सौ सौ हिकायतें होंगी
हज़ार दीदा-ए-तर बे-ज़बाँ कहा जाए
हरीम-ए-दिल में कहीं रह गई ख़लिश बन कर
किसी की याद जिसे नीश-ए-जाँ कहा जाए
हमारे अश्क ही जब 'नूर' रख सके न भरम
फिर और किस को भला राज़दाँ कहा जाए
vo ek lamha jise jāvedāñ kahā jaa.e
mile to hāsil-e-umr-e-ravāñ kahā jaa.e
unhīñ se ruuh ko farhat unhīñ se dil ko qarār
vo hādsāt jinheñ jāñ-sitāñ kahā jaa.e
isī meñ chand mohabbat ke din bhī shāmil haiñ
tamām umr ko kyoñ rā.egāñ kahā jaa.e
mire nasīb meñ likhe na jā sake tum se
vo chaar tinke jinheñ āshiyāñ kahā jaa.e
mire hujūm-e-tamannā kī āḳhirī manzil
bas ek marg jise nā-gahāñ kahā jaa.e
adā-e-tamkanat-e-husn kā taqāzā hai
har ik sitam pe unheñ mehrbāñ kahā jaa.e
har ek qatre meñ sau sau hikāyateñ hoñgī
hazār dīda-e-tar be-zabāñ kahā jaa.e
harīm-e-dil meñ kahīñ rah ga.ī ḳhalish ban kar
kisī kī yaad jise nīsh-e-jāñ kahā jaa.e
hamāre ashk hī jab 'nūr' rakh sake na bharam
phir aur kis ko bhalā rāzdāñ kahā jaa.e
وہ ایک لمحہ جسے جاوداں کہا جائے
ملے تو حاصل عمر رواں کہا جائے
انہیں سے روح کو فرحت انہیں سے دل کو قرار
وہ حادثات جنہیں جاں ستاں کہا جائے
اسی میں چند محبت کے دن بھی شامل ہیں
تمام عمر کو کیوں رائیگاں کہا جائے
مرے نصیب میں لکھے نہ جا سکے تم سے
وہ چار تنکے جنہیں آشیاں کہا جائے
مرے ہجوم تمنا کی آخری منزل
بس ایک مرگ جسے ناگہاں کہا جائے
ادائے تمکنت حسن کا تقاضا ہے
ہر اک ستم پہ انہیں مہرباں کہا جائے
ہر ایک قطرے میں سو سو حکایتیں ہوں گی
ہزار دیدۂ تر بے زباں کہا جائے
حریم دل میں کہیں رہ گئی خلش بن کر
کسی کی یاد جسے نیش جاں کہا جائے
ہمارے اشک ہی جب نورؔ رکھ سکے نہ بھرم
پھر اور کس کو بھلا راز داں کہا جائے