गुलों ने मुस्कुराने की सज़ा पाई तो क्या होगा
सज़ा-ए-गुल पे ग़ुंचों को हँसी आई तो क्या होगा
कहीं बेदाद-ए-गुलचीं से परेशाँ हो के ग़ुंचों ने
गुलिस्ताँ में न खिलने की क़सम खाई तो क्या होगा
ये मेरे अश्क मेरे राज़-दाँ हैं मुझ से कहते हैं
अगर हो भी गई बिल-फ़र्ज़ रुस्वाई तो क्या होगा
ये ना-मुम्किन नहीं मिल जाएँ दो इक जाम माँगे से
मगर ये तिश्नगी फिर भी न मिट पाई तो क्या होगा
मिरी जानिब से राज़ इफ़्शा न होगा है यक़ीं मुझ को
सर-ए-महफ़िल वो चश्म-ए-नाज़ शर्माई तो क्या होगा
अभी तो अज़्म-ए-तर्क-ए-बादा-नोशी है ख़ुदा जाने
कभी तौबा मिरी शीशे से टकराई तो क्या होगा
दुआ थी आएँ वो या फिर क़ज़ा आए वो कहते हैं
कहीं अब उन से पहले ही क़ज़ा आई तो क्या होगा
अभी तो है शिकायत 'नूर' को उन के तग़ाफ़ुल से
मगर ख़ुद उस के जज़्बों में कमी आई तो क्या होगा
guloñ ne muskurāne kī sazā paa.ī to kyā hogā
sazā-e-gul pe ġhunchoñ ko hañsī aa.ī to kyā hogā
kahīñ bedād-e-gulchīñ se pareshāñ ho ke ġhunchoñ ne
gulistāñ meñ na khilne kī qasam khaa.ī to kyā hogā
ye mere ashk mere rāz-dāñ haiñ mujh se kahte haiñ
agar ho bhī ga.ī bil-farz rusvā.ī to kyā hogā
ye nā-mumkin nahīñ mil jaa.eñ do ik jaam māñge se
magar ye tishnagī phir bhī na miT paa.ī to kyā hogā
mirī jānib se raaz ifshā na hogā hai yaqīñ mujh ko
sar-e-mahfil vo chashm-e-nāz sharmā.ī to kyā hogā
abhī to azm-e-tark-e-bāda-noshī hai ḳhudā jaane
kabhī tauba mirī shīshe se Takrā.ī to kyā hogā
duā thī aa.eñ vo yā phir qazā aa.e vo kahte haiñ
kahīñ ab un se pahle hī qazā aa.ī to kyā hogā
abhī to hai shikāyat 'nūr' ko un ke taġhāful se
magar ḳhud us ke jazboñ meñ kamī aa.ī to kyā hogā
گلوں نے مسکرانے کی سزا پائی تو کیا ہوگا
سزائے گل پہ غنچوں کو ہنسی آئی تو کیا ہوگا
کہیں بیداد گلچیں سے پریشاں ہو کے غنچوں نے
گلستاں میں نہ کھلنے کی قسم کھائی تو کیا ہوگا
یہ میرے اشک میرے رازداں ہیں مجھ سے کہتے ہیں
اگر ہو بھی گئی بالفرض رسوائی تو کیا ہوگا
یہ نا ممکن نہیں مل جائیں دو اک جام مانگے سے
مگر یہ تشنگی پھر بھی نہ مٹ پائی تو کیا ہوگا
مری جانب سے راز افشا نہ ہوگا ہے یقیں مجھ کو
سر محفل وہ چشم ناز شرمائی تو کیا ہوگا
ابھی تو عزم ترک بادہ نوشی ہے خدا جانے
کبھی توبہ مری شیشے سے ٹکرائی تو کیا ہوگا
دعا تھی آئیں وہ یا پھر قضا آئے وہ کہتے ہیں
کہیں اب ان سے پہلے ہی قضا آئی تو کیا ہوگا
ابھی تو ہے شکایت نورؔ کو ان کے تغافل سے
مگر خود اس کے جذبوں میں کمی آئی تو کیا ہوگا