वो दिलकशी वो रौशनी-ए-बाम-ओ-दर गई
तुम क्या गए कि रौनक़-ए-शाम-ओ-सहर गई
चश्म-ए-करम की ख़ैर अजब काम कर गई
बे-रंगी-ए-हयात में सौ रंग भर गई
मैं इंतिज़ार ही में रहा और ज़िंदगी
चुप-चाप मेरे पास से हो कर गुज़र गई
अश्कों की बूँद यार की तस्वीर देख कर
औराक़-ए-गुल पे सूरत-ए-शबनम बिखर गई
अह्द-ए-वफ़ा-ए-दोस्त हो या इंतिज़ार-ए-दोस्त
हर बात ए'तिबार की हद से गुज़र गई
आई जो तेरी याद तो मानिंद-ए-बू-ए-गुल
सारी फ़ज़ा-ए-शौक़ को मख़मूर कर गई
इतना तो मेरी आह का रद्द-ए-अमल हुआ
उन की जबीं पे एक शिकन सी उभर गई
मिलते ही आज उन की जुनूँ-आफ़रीं निगाह
मुझ को हर एक चीज़ से बेगाना कर गई
'जौहर' न पूछ उम्र-ए-गुरेज़ाँ की सरगुज़श्त
जिस तरह भी गुज़र गई आख़िर गुज़र गई
vo dilkashī vo raushnī-e-bām-o-dar ga.ī
tum kyā ga.e ki raunaq-e-shām-o-sahar ga.ī
chashm-e-karam kī ḳhair ajab kaam kar ga.ī
be-rangī-e-hayāt meñ sau rang bhar ga.ī
maiñ intizār hī meñ rahā aur zindagī
chup-chāp mere paas se ho kar guzar ga.ī
ashkoñ kī buuñd yaar kī tasvīr dekh kar
aurāq-e-gul pe sūrat-e-shabnam bikhar ga.ī
ahd-e-vafā-e-dost ho yā intizār-e-dost
har baat e.atibār kī had se guzar ga.ī
aa.ī jo terī yaad to mānind-e-bū-e-gul
saarī fazā-e-shauq ko maḳhmūr kar ga.ī
itnā to merī aah kā radd-e-amal huā
un kī jabīñ pe ek shikan sī ubhar ga.ī
milte hī aaj un kī junūñ-āfrīñ nigāh
mujh ko har ek chiiz se begāna kar ga.ī
'jauhar' na pūchh umr-e-gurezāñ kī sarguzasht
jis tarah bhī guzar ga.ī āḳhir guzar ga.ī
وہ دل کشی وہ روشنئ بام و در گئی
تم کیا گئے کہ رونق شام و سحر گئی
چشم کرم کی خیر عجب کام کر گئی
بے رنگیٔ حیات میں سو رنگ بھر گئی
میں انتظار ہی میں رہا اور زندگی
چپ چاپ میرے پاس سے ہو کر گزر گئی
اشکوں کی بوند یار کی تصویر دیکھ کر
اوراق گل پہ صورت شبنم بکھر گئی
عہد وفائے دوست ہو یا انتظار دوست
ہر بات اعتبار کی حد سے گزر گئی
آئی جو تیری یاد تو مانند بوئے گل
ساری فضائے شوق کو مخمور کر گئی
اتنا تو میری آہ کا رد عمل ہوا
ان کی جبیں پہ ایک شکن سی ابھر گئی
ملتے ہی آج ان کی جنوں آفریں نگاہ
مجھ کو ہر ایک چیز سے بیگانہ کر گئی
جوہرؔ نہ پوچھ عمر گریزاں کی سرگزشت
جس طرح بھی گزر گئی آخر گزر گئی