ग़म की आग़ोश में जो पलते हैं
वही दुनिया का रुख़ बदलते हैं
ख़ार तो क्या हैं हम गुलों से भी
अपना दामन बचा के चलते हैं
इन्ही ख़ामोश सी फ़ज़ाओं में
कितने तूफ़ान हैं जो पलते हैं
लाख काँटे बिछे हों राहों में
चलने वाले ज़रूर चलते हैं
मंज़िलें चूमती हैं उन के क़दम
आप जो अपनी राह चलते हैं
हैं वही अस्ल में ज़माना-शनास
जो ज़माने के साथ चलते हैं
उन को मिलती है ज़िंदगी-ए-दवाम
ठोकरें खा के जो सँभलते हैं
शो'बदे देख चश्म-ए-साक़ी के
मय छलकती है जाम चलते हैं
ख़ौफ़ से रहज़नों के ऐ 'जौहर'
हम कहीं रास्ता बदलते हैं
ġham kī āġhosh meñ jo palte haiñ
vahī duniyā kā ruḳh badalte haiñ
ḳhaar to kyā haiñ ham guloñ se bhī
apnā dāman bachā ke chalte haiñ
inhī ḳhāmosh sī fazāoñ meñ
kitne tūfān haiñ jo palte haiñ
laakh kāñTe bichhe hoñ rāhoñ meñ
chalne vaale zarūr chalte haiñ
manzileñ chūmtī haiñ un ke qadam
aap jo apnī raah chalte haiñ
haiñ vahī asl meñ zamāna-shanās
jo zamāne ke saath chalte haiñ
un ko miltī hai zindagī-e-davām
Thokareñ khā ke jo sañbhalte haiñ
sho.abde dekh chashm-e-sāqī ke
mai chhalaktī hai jaam chalte haiñ
ḳhauf se rahzanoñ ke ai 'jauhar'
ham kahīñ rāsta badalte haiñ
غم کی آغوش میں جو پلتے ہیں
وہی دنیا کا رخ بدلتے ہیں
خار تو کیا ہیں ہم گلوں سے بھی
اپنا دامن بچا کے چلتے ہیں
انہی خاموش سی فضاؤں میں
کتنے طوفان ہیں جو پلتے ہیں
لاکھ کانٹے بچھے ہوں راہوں میں
چلنے والے ضرور چلتے ہیں
منزلیں چومتی ہیں ان کے قدم
آپ جو اپنی راہ چلتے ہیں
ہیں وہی اصل میں زمانہ شناس
جو زمانے کے ساتھ چلتے ہیں
ان کو ملتی ہے زندگیٔ دوام
ٹھوکریں کھا کے جو سنبھلتے ہیں
شعبدے دیکھ چشم ساقی کے
مے چھلکتی ہے جام چلتے ہیں
خوف سے رہزنوں کے اے جوہرؔ
ہم کہیں راستہ بدلتے ہیں