चेहरे से नुमायाँ है एक एक अदा ग़म की
इंसाँ जिसे कहते हैं तस्वीर है मातम की
क्यों हम को डराते हो आशोब-ए-जहन्नुम से
दुनिया भी तो आख़िर है इक शक्ल जहन्नुम की
मजबूरी-ओ-माज़ूरी महरूमी-ओ-नाकामी
आख़िर कोई हद भी है इस सिलसिला-ए-ग़म की
हर आन मुक़ाबिल है ये महर-ए-दरख़्शाँ के
जुरअत तो कोई देखे इक क़तरा-ए-शबनम की
जन्नत से निकल कर फिर जन्नत न मिली उस को
क्या क्या अभी लिक्खा है तक़दीर में आदम की
दरकार है गेती को फिर ताज़ा लहू शायद
सुर्ख़ी यही कहती है अफ़साना-ए-आलम की
गिर्दाब में ऐ 'जौहर' ये किस का सफ़ीना है
मौजों के तलातुम में आवाज़ है मातम की
chehre se numāyāñ hai ek ek adā ġham kī
insāñ jise kahte haiñ tasvīr hai mātam kī
kyoñ ham ko Darāte ho āshob-e-jahannum se
duniyā bhī to āḳhir hai ik shakl jahannum kī
majbūrī-o-māzūrī mahrūmī-o-nākāmī
āḳhir koī had bhī hai is silsila-e-ġham kī
har aan muqābil hai ye mahr-e-daraḳhshāñ ke
jur.at to koī dekhe ik qatra-e-shabnam kī
jannat se nikal kar phir jannat na milī us ko
kyā kyā abhī likkhā hai taqdīr meñ aadam kī
darkār hai getī ko phir taaza lahū shāyad
surḳhī yahī kahtī hai afsāna-e-ālam kī
girdāb meñ ai 'jauhar' ye kis kā safīna hai
maujoñ ke talātum meñ āvāz hai mātam kī
چہرے سے نمایاں ہے ایک ایک ادا غم کی
انساں جسے کہتے ہیں تصویر ہے ماتم کی
کیوں ہم کو ڈراتے ہو آشوب جہنم سے
دنیا بھی تو آخر ہے اک شکل جہنم کی
مجبوری و معذوری محرومی و ناکامی
آخر کوئی حد بھی ہے اس سلسلۂ غم کی
ہر آن مقابل ہے یہ مہر درخشاں کے
جرأت تو کوئی دیکھے اک قطرۂ شبنم کی
جنت سے نکل کر پھر جنت نہ ملی اس کو
کیا کیا ابھی لکھا ہے تقدیر میں آدم کی
درکار ہے گیتی کو پھر تازہ لہو شاید
سرخی یہی کہتی ہے افسانۂ عالم کی
گرداب میں اے جوہرؔ یہ کس کا سفینہ ہے
موجوں کے تلاطم میں آواز ہے ماتم کی