ऐसा नहीं कि एक मिरा घर उदास है
तेरे बग़ैर जो भी है मंज़र उदास है
कोई असर दिखा न सका फ़न का मो'जिज़ा
अपने बुतों को देख के आज़र उदास है
पहलू-ए-संग में भी है इक दर्द-मंद दिल
वहशी के सर को फोड़ के पत्थर उदास है
जिस ने किया था क़त्ल किसी बे-गुनाह का
अपने किए पे अब वही ख़ंजर उदास है
ख़ामोश सत्ह-ए-आब है मग़्मूम है फ़ज़ा
कश्ती को ग़र्क़ कर के समुंदर उदास है
जिस दिल के आइने में नहीं अक्स-ए-रू-ए-दोस्त
उस दिल के आइने का मुक़द्दर उदास है
साक़ी की बे-नियाज़ी-ए-पैहम को देख कर
'जौहर' हयात-ए-इश्क़ का साग़र उदास है
aisā nahīñ ki ek mirā ghar udaas hai
tere baġhair jo bhī hai manzar udaas hai
koī asar dikhā na sakā fan kā mo.ajiza
apne butoñ ko dekh ke aazar udaas hai
pahlū-e-sang meñ bhī hai ik dard-mand dil
vahshī ke sar ko phoḌ ke patthar udaas hai
jis ne kiyā thā qatl kisī be-gunāh kā
apne kiye pe ab vahī ḳhanjar udaas hai
ḳhāmosh sat.h-e-āb hai maġhmūm hai fazā
kashtī ko ġharq kar ke samundar udaas hai
jis dil ke aa.ine meñ nahīñ aks-e-rū-e-dost
us dil ke aa.ine kā muqaddar udaas hai
saaqī kī be-niyāzī-e-paiham ko dekh kar
'jauhar' hayāt-e-ishq kā sāġhar udaas hai
ایسا نہیں کہ ایک مرا گھر اداس ہے
تیرے بغیر جو بھی ہے منظر اداس ہے
کوئی اثر دکھا نہ سکا فن کا معجزہ
اپنے بتوں کو دیکھ کے آزر اداس ہے
پہلوئے سنگ میں بھی ہے اک درد مند دل
وحشی کے سر کو پھوڑ کے پتھر اداس ہے
جس نے کیا تھا قتل کسی بے گناہ کا
اپنے کئے پہ اب وہی خنجر اداس ہے
خاموش سطح آب ہے مغموم ہے فضا
کشتی کو غرق کر کے سمندر اداس ہے
جس دل کے آئنے میں نہیں عکس روئے دوست
اس دل کے آئنے کا مقدر اداس ہے
ساقی کی بے نیازئ پیہم کو دیکھ کر
جوہرؔ حیات عشق کا ساغر اداس ہے