गुल-ओ-समन नहीं गुलचीं तो ख़ार रहने दे
चमन में कुछ तो निशान-ए-बहार रहने दे
तुझे जुनूँ की क़सम ऐ दिल-ए-सुकूँ-दुश्मन
तमाम उम्र मुझे बे-क़रार रहने दे
कहीं न हसरत-ए-ख़्वाबीदा फिर से जाग उठे
नवाज़िश-ए-निगह-ए-फ़ित्ना-कार रहने दे
फ़रेब-ए-वा'दा-ए-फ़र्दा बहुत ग़नीमत है
मिज़ाज-ए-दोस्त अगर उस्तुवार रहने दे
ये हादसात-ए-मोहब्बत हैं आज भी दिलकश
अगर सुकूँ से ग़म-ए-रोज़गार रहने दे
नफ़स नफ़स है मोहब्बत में दाइमी 'जौहर'
मगर जो ज़िंदगी-ए-मुस्तआ'र रहने दे
gul-o-saman nahīñ gulchīñ to ḳhaar rahne de
chaman meñ kuchh to nishān-e-bahār rahne de
tujhe junūñ kī qasam ai dil-e-sukūñ-dushman
tamām umr mujhe be-qarār rahne de
kahīñ na hasrat-e-ḳhvābīda phir se jaag uThe
navāzish-e-nigah-e-fitna-kār rahne de
fareb-e-va.ada-e-fardā bahut ġhanīmat hai
mizāj-e-dost agar ustuvār rahne de
ye hādsāt-e-mohabbat haiñ aaj bhī dilkash
agar sukūñ se ġham-e-rozgār rahne de
nafas nafas hai mohabbat meñ dā.imī 'jauhar'
magar jo zindagī-e-musta.ār rahne de
گل و سمن نہیں گلچیں تو خار رہنے دے
چمن میں کچھ تو نشان بہار رہنے دے
تجھے جنوں کی قسم اے دل سکوں دشمن
تمام عمر مجھے بے قرار رہنے دے
کہیں نہ حسرت خوابیدہ پھر سے جاگ اٹھے
نوازش نگہ فتنہ کار رہنے دے
فریب وعدۂ فردا بہت غنیمت ہے
مزاج دوست اگر استوار رہنے دے
یہ حادثات محبت ہیں آج بھی دل کش
اگر سکوں سے غم روزگار رہنے دے
نفس نفس ہے محبت میں دائمی جوہرؔ
مگر جو زندگئ مستعار رہنے دے