आदमिय्यत की कमी आज जिस इंसान में है
वो न हिन्दू में है शामिल न मुसलमान में है
ज़िंदगानी का उमँडता हुआ ये सैल-ए-रवाँ
जो सफ़ीना है तलातुम में है तूफ़ान में है
इस ज़माने के मसाइल का सुलझना मालूम
ज़ीस्त उलझी हुई ख़ुद अपने गरेबान में है
अम्न-ओ-तहज़ीब पे है मौत का आलम तारी
देखिए जिस को वही जंग के मैदान में है
हरम-ओ-दैर की तस्वीर-ए-मुजस्सम हूँ मैं
कुफ़्र का रंग भी शामिल मिरे ईमान में है
इस हक़ीक़त का नहीं सारे ज़माने में जवाब
जो हक़ीक़त मिरे अफ़्साने के उन्वान में है
जो भी पढ़ता है वही दाद-ए-सुख़न देता है
कोई तासीर तो 'जौहर' तिरे दीवान में है
ādamiyyat kī kamī aaj jis insān meñ hai
vo na hindū meñ hai shāmil na musalmān meñ hai
zindagānī kā umañDtā huā ye sail-e-ravāñ
jo safīna hai talātum meñ hai tūfān meñ hai
is zamāne ke masā.il kā sulajhnā ma.alūm
ziist uljhī huī ḳhud apne garebān meñ hai
amn-o-tahzīb pe hai maut kā aalam taarī
dekhiye jis ko vahī jang ke maidān meñ hai
haram-o-dair kī tasvīr-e-mujassam huuñ maiñ
kufr kā rang bhī shāmil mire īmān meñ hai
is haqīqat kā nahīñ saare zamāne meñ javāb
jo haqīqat mire afsāne ke unvān meñ hai
jo bhī paḌhtā hai vahī dād-e-suḳhan detā hai
koī tāsīr to 'jauhar' tire dīvān meñ hai
آدمیت کی کمی آج جس انسان میں ہے
وہ نہ ہندو میں ہے شامل نہ مسلمان میں ہے
زندگانی کا امنڈتا ہوا یہ سیل رواں
جو سفینہ ہے تلاطم میں ہے طوفان میں ہے
اس زمانے کے مسائل کا سلجھنا معلوم
زیست الجھی ہوئی خود اپنے گریبان میں ہے
امن و تہذیب پہ ہے موت کا عالم طاری
دیکھیے جس کو وہی جنگ کے میدان میں ہے
حرم و دیر کی تصویر مجسم ہوں میں
کفر کا رنگ بھی شامل مرے ایمان میں ہے
اس حقیقت کا نہیں سارے زمانے میں جواب
جو حقیقت مرے افسانے کے عنوان میں ہے
جو بھی پڑھتا ہے وہی داد سخن دیتا ہے
کوئی تاثیر تو جوہرؔ ترے دیوان میں ہے