वो दिल की झील में उतरा था एक साअ'त को
ये उम्र हो गई है सहते इस मलामत को
कहीं तो साया-ए-दीवार-ए-आगही मिल जाए
कोई तो आए करे ख़त्म इस मसाफ़त को
तुम्हीं से मिल के मिरी दिल से आश्नाई हो
तुम्हारे बाद ही जाना है इस क़यामत को
वो एक शख़्स मुझे कर गया सभी से जुदा
तरस रहा हूँ मैं जिस शख़्स की रिफ़ाक़त को
अजीब लोग हैं इस शहर के ब-नाम-ए-वफ़ा
हवाएँ देते हैं हर शो'ला-ए-अदावत को
जवाज़ भी तो कोई हो मिरी तबाही का
छुपा रहे हो तबस्सुम में क्यों नदामत को
गए दिनों का मनाते हो सोग फिर 'आबिद'
हमें यक़ीं है न बदलोगे अपनी आदत को
vo dil kī jhiil meñ utrā thā ek saa.at ko
ye umr ho ga.ī hai sahte is malāmat ko
kahīñ to sāya-e-dīvār-e-āgahī mil jaa.e
koī to aa.e kare ḳhatm is masāfat ko
tumhīñ se mil ke mirī dil se āshnā.ī ho
tumhāre baad hī jaanā hai is qayāmat ko
vo ek shaḳhs mujhe kar gayā sabhī se judā
taras rahā huuñ maiñ jis shaḳhs kī rifāqat ko
ajiib log haiñ is shahr ke ba-nām-e-vafā
havā.eñ dete haiñ har sho.ala-e-adāvat ko
javāz bhī to koī ho mirī tabāhī kā
chhupā rahe ho tabassum meñ kyoñ nadāmat ko
ga.e dinoñ kā manāte ho sog phir 'ābid'
hameñ yaqīñ hai na badloge apnī aadat ko
وہ دل کی جھیل میں اترا تھا ایک ساعت کو
یہ عمر ہو گئی ہے سہتے اس ملامت کو
کہیں تو سایۂ دیوار آگہی مل جائے
کوئی تو آئے کرے ختم اس مسافت کو
تمہیں سے مل کے مری دل سے آشنائی ہو
تمہارے بعد ہی جانا ہے اس قیامت کو
وہ ایک شخص مجھے کر گیا سبھی سے جدا
ترس رہا ہوں میں جس شخص کی رفاقت کو
عجیب لوگ ہیں اس شہر کے بہ نام وفا
ہوائیں دیتے ہیں ہر شعلۂ عداوت کو
جواز بھی تو کوئی ہو مری تباہی کا
چھپا رہے ہو تبسم میں کیوں ندامت کو
گئے دنوں کا مناتے ہو سوگ پھر عابدؔ
ہمیں یقیں ہے نہ بدلو گے اپنی عادت کو