विसाल-ए-यार भी है दौर में शराब भी है
क़मर भी है मिरे पहलू में आफ़्ताब भी है
ये हुस्न की नहीं जादूगरी तो फिर क्या है
कि तेरी आँख में शोख़ी भी है हिजाब भी है
किसी को ताब कहाँ है कि तुझ को देख सके
जो नूर है तिरे रुख़ पर वही नक़ाब भी है
सुबूत-ए-इश्क़ को ये दो गवाह काफ़ी हैं
जिगर में दाग़ भी है दिल में इज़्तिराब भी है
ग़ुरूर-ए-हुस्न तुझे जिस क़दर हो ज़ेबा है
ख़ुदा के फ़ज़्ल से सूरत भी है शबाब भी है
सितम की चाल सितम की अदा सितम की निगाह
तिरे सितम का सितमगर कोई हिसाब भी है
मिरे लिए नहीं पीने की कुछ कमी साक़ी
कि चश्म-ए-मस्त भी है साग़र-ए-शराब भी है
'जलील' ने तुम्हें चाहा तो क्या गुनाह किया
तुम्हीं बताओ तुम्हारा कोई जवाब भी है
visāl-e-yār bhī hai daur meñ sharāb bhī hai
qamar bhī hai mire pahlū meñ āftāb bhī hai
ye husn kī nahīñ jādūgarī to phir kyā hai
ki terī aañkh meñ shoḳhī bhī hai hijāb bhī hai
kisī ko taab kahāñ hai ki tujh ko dekh sake
jo nuur hai tire ruḳh par vahī naqāb bhī hai
subūt-e-ishq ko ye do gavāh kaafī haiñ
jigar meñ daaġh bhī hai dil meñ iztirāb bhī hai
ġhurūr-e-husn tujhe jis qadar ho zebā hai
ḳhudā ke fazl se sūrat bhī hai shabāb bhī hai
sitam kī chaal sitam kī adā sitam kī nigāh
tire sitam kā sitamgar koī hisāb bhī hai
mire liye nahīñ piine kī kuchh kamī saaqī
ki chashm-e-mast bhī hai sāġhar-e-sharāb bhī hai
'jalīl' ne tumheñ chāhā to kyā gunāh kiyā
tumhīñ batāo tumhārā koī javāb bhī hai
وصال یار بھی ہے دور میں شراب بھی ہے
قمر بھی ہے مرے پہلو میں آفتاب بھی ہے
یہ حسن کی نہیں جادوگری تو پھر کیا ہے
کہ تیری آنکھ میں شوخی بھی ہے حجاب بھی ہے
کسی کو تاب کہاں ہے کہ تجھ کو دیکھ سکے
جو نور ہے ترے رخ پر وہی نقاب بھی ہے
ثبوت عشق کو یہ دو گواہ کافی ہیں
جگر میں داغ بھی ہے دل میں اضطراب بھی ہے
غرور حسن تجھے جس قدر ہو زیبا ہے
خدا کے فضل سے صورت بھی ہے شباب بھی ہے
ستم کی چال ستم کی ادا ستم کی نگاہ
ترے ستم کا ستم گر کوئی حساب بھی ہے
مرے لیے نہیں پینے کی کچھ کمی ساقی
کہ چشم مست بھی ہے ساغر شراب بھی ہے
جلیلؔ نے تمہیں چاہا تو کیا گناہ کیا
تمہیں بتاؤ تمہارا کوئی جواب بھی ہے