वीराँ थी रात चाँद का पत्थर सियाह था
या पर्दा-ए-निगाह सरासर सियाह था
टूटे हुए मकाँ की अदा देखता कोई
सरसब्ज़ थी मुंडेर कबूतर सियाह था
मैं डूबता जज़ीरा था मौजों की मार पर
चारों तरफ़ हवा का समुंदर सियाह था
नश्शा चढ़ा तो रौशनियाँ सी दिखाई दीं
हैरान हूँ कि मौत का साग़र सियाह था
वो ख़्वाब था कि वाहिमा बस इतना याद है
बाहर सफ़ेद ओ सुर्ख़ था अंदर सियाह था
चमका कहीं न रेत का ज़र्रा भी रात-भर
सहरा-ए-इंतिज़ार बराबर सियाह था
इस तरहा बादलों की छतें छाई थीं 'ज़फ़र'
सहमी हुई ज़मीन थी मंज़र सियाह था
vīrāñ thī raat chāñd kā patthar siyāh thā
yā parda-e-nigāh sarāsar siyāh thā
TuuTe hue makāñ kī adā dekhtā koī
sarsabz thī muñDer kabūtar siyāh thā
maiñ Dūbtā jazīra thā maujoñ kī maar par
chāroñ taraf havā kā samundar siyāh thā
nashsha chaḌhā to raushniyāñ sī dikhā.ī diiñ
hairān huuñ ki maut kā sāġhar siyāh thā
vo ḳhvāb thā ki vāhima bas itnā yaad hai
bāhar safed o surḳh thā andar siyāh thā
chamkā kahīñ na ret kā zarra bhī rāt-bhar
sahrā-e-intizār barābar siyāh thā
is tarha bādaloñ kī chhateñ chhā.ī thiiñ 'zafar'
sahmī huī zamīn thī manzar siyāh thā
ویراں تھی رات چاند کا پتھر سیاہ تھا
یا پردۂ نگاہ سراسر سیاہ تھا
ٹوٹے ہوئے مکاں کی ادا دیکھتا کوئی
سر سبز تھی منڈیر کبوتر سیاہ تھا
میں ڈوبتا جزیرہ تھا موجوں کی مار پر
چاروں طرف ہوا کا سمندر سیاہ تھا
نشہ چڑھا تو روشنیاں سی دکھائی دیں
حیران ہوں کہ موت کا ساغر سیاہ تھا
وہ خواب تھا کہ واہمہ بس اتنا یاد ہے
باہر سفید و سرخ تھا اندر سیاہ تھا
چمکا کہیں نہ ریت کا ذرہ بھی رات بھر
صحرائے انتظار برابر سیاہ تھا
اس طرح بادلوں کی چھتیں چھائی تھیں ظفرؔ
سہمی ہوئی زمین تھی منظر سیاہ تھا