वस्ल में वो छेड़ने का हौसला जाता रहा
तुम गले से क्या मिले सारा गिला जाता रहा
यार तक पहुँचा दिया बेताबी-ए-दिल ने हमें
इक तड़प में मंज़िलों का फ़ासला जाता रहा
एक तो आँखें दिखाईं फिर ये शोख़ी से कहा
कहिए अब तो कम-निगाही का गिला जाता रहा
रोज़ जाते थे ख़त अपने रोज़ आते थे पयाम
एक मुद्दत हो गई वो सिलसिला जाता रहा
रो रहे थे दिल को हम याँ होश भी जाते रहे
गुम-शुदा यूसुफ़ के पीछे क़ाफ़िला जाता रहा
मुड़ के क़ातिल ने न देखा वार पूरा हो गया
कुश्तगान-ए-नीम-बिस्मिल का गिला जाता रहा
वादी-ए-ग़ुर्बत के साथी हैं हमें दिल से अज़ीज़
रो दिए हम फूट कर जब आबला जाता रहा
बे-ख़ुदी में महव-ए-नज़्ज़ारा थे हम क्यूँ चौंक उठे
हाए वो अपना मज़े का मश्ग़ला जाता रहा
क्या मोहज़्ज़ब बन के पेश-ए-यार बैठे हैं 'जलील'
आज वो जोश-ए-जुनूँ वो वलवला जाता रहा
vasl meñ vo chheḌne kā hausla jaatā rahā
tum gale se kyā mile saarā gila jaatā rahā
yaar tak pahuñchā diyā betābi-e-dil ne hameñ
ik taḌap meñ manziloñ kā fāsla jaatā rahā
ek to āñkheñ dikhā.īñ phir ye shoḳhī se kahā
kahiye ab to kam-nigāhī kā gila jaatā rahā
roz jaate the ḳhat apne roz aate the payām
ek muddat ho ga.ī vo silsila jaatā rahā
ro rahe the dil ko ham yaañ hosh bhī jaate rahe
gum-shuda yūsuf ke pīchhe qāfila jaatā rahā
muḌ ke qātil ne na dekhā vaar puurā ho gayā
kushtgān-e-nīm-bismil kā gila jaatā rahā
vādi-e-ġhurbat ke sāthī haiñ hameñ dil se aziiz
ro diye ham phuuT kar jab aabla jaatā rahā
be-ḳhudī meñ mahv-e-nazzāra the ham kyuuñ chauñk uThe
haa.e vo apnā maze kā mashġhala jaatā rahā
kyā mohazzab ban ke pesh-e-yār baiThe haiñ 'jalīl'
aaj vo josh-e-junūñ vo valvala jaatā rahā
وصل میں وہ چھیڑنے کا حوصلہ جاتا رہا
تم گلے سے کیا ملے سارا گلہ جاتا رہا
یار تک پہنچا دیا بیتابی دل نے ہمیں
اک تڑپ میں منزلوں کا فاصلہ جاتا رہا
ایک تو آنکھیں دکھائیں پھر یہ شوخی سے کہا
کہیے اب تو کم نگاہی کا گلہ جاتا رہا
روز جاتے تھے خط اپنے روز آتے تھے پیام
ایک مدت ہو گئی وہ سلسلہ جاتا رہا
رو رہے تھے دل کو ہم یاں ہوش بھی جاتے رہے
گمشدہ یوسف کے پیچھے قافلہ جاتا رہا
مڑ کے قاتل نے نہ دیکھا وار پورا ہو گیا
کشتگان نیم بسمل کا گلہ جاتا رہا
وادئ غربت کے ساتھی ہیں ہمیں دل سے عزیز
رو دئیے ہم پھوٹ کر جب آبلہ جاتا رہا
بے خودی میں محو نظارہ تھے ہم کیوں چونک اٹھے
ہائے وہ اپنا مزے کا مشغلہ جاتا رہا
کیا مہذب بن کے پیش یار بیٹھے ہیں جلیلؔ
آج وہ جوش جنوں وہ ولولہ جاتا رہا