वहशत थी हम थे साया-ए-दीवार-ए-यार था
या ये कहो कि सर पे कोई जिन सवार था
बिगड़ा चमन में कल तिरे वहशी का जब मिज़ाज
झोंका नसीम का भी उसे नागवार था
लाले का दाग़ देख के चितवन बदल गई
तेवर से साफ़ राज़-ए-जुनूँ आश्कार था
पहले तो आँखें फाड़ के देखा इधर-उधर
दामन फिर इक इशारे में बस तार-तार था
अल्लाह रे तोड़ नीची निगाहों के तीर का
उफ़ भी न करने पाए थे और दिल के पार था
नैरंग-ए-हुस्न ओ इश्क़ की वो आख़िरी बहार
तुर्बत थी मेरी और कोई अश्क-बार था
झुक-झुक के देखता है फ़लक आज तक उसे
जिस सरज़मीं पे मेरा निशान-ए-मज़ार था
साहिल के पास 'यास' ने हिम्मत भी हार दी
कुछ हाथ पाँव मारता ज़ालिम तो पार था
vahshat thī ham the sāya-e-dīvār-e-yār thā
yā ye kaho ki sar pe koī jin savār thā
bigḌā chaman meñ kal tire vahshī kā jab mizāj
jhoñkā nasīm kā bhī use nāgavār thā
laale kā daaġh dekh ke chitvan badal ga.ī
tevar se saaf rāz-e-junūñ āshkār thā
pahle to āñkheñ phaaḌ ke dekhā idhar-udhar
dāman phir ik ishāre meñ bas tār-tār thā
allāh re toḌ nīchī nigāhoñ ke tiir kā
uf bhī na karne paa.e the aur dil ke paar thā
nairañg-e-husn o ishq kī vo āḳhirī bahār
turbat thī merī aur koī ashk-bār thā
jhuk-jhuk ke dekhtā hai falak aaj tak use
jis sarzamīñ pe merā nishān-e-mazār thā
sāhil ke paas 'yās' ne himmat bhī haar dī
kuchh haath paañv mārtā zālim to paar thā
وحشت تھی ہم تھے سایۂ دیوار یار تھا
یا یہ کہو کہ سر پہ کوئی جن سوار تھا
بگڑا چمن میں کل ترے وحشی کا جب مزاج
جھونکا نسیم کا بھی اسے ناگوار تھا
لالے کا داغ دیکھ کے چتون بدل گئی
تیور سے صاف راز جنوں آشکار تھا
پہلے تو آنکھیں پھاڑ کے دیکھا ادھرادھر
دامن پھر اک اشارے میں بس تار تار تھا
اللہ رے توڑ نیچی نگاہوں کے تیر کا
اف بھی نہ کرنے پائے تھے اور دل کے پار تھا
نیرنگ حسن و عشق کی وہ آخری بہار
تربت تھی میری اور کوئی اشک بار تھا
جھک جھک کے دیکھتا ہے فلک آج تک اسے
جس سرزمیں پہ میرا نشان مزار تھا
ساحل کے پاس یاسؔ نے ہمت بھی ہار دی
کچھ ہاتھ پاؤں مارتا ظالم تو پار تھا