वहशत में निकल आया हूँ इदराक से आगे
अब ढूँढ मुझे मजमा-ए-उश्शाक़ से आगे
इक सुर्ख़ समुंदर में तिरा ज़िक्र बहुत है
ऐ शख़्स गुज़र दीदा-ए-नमनाक से आगे
उस पार से आता कोई देखूँ तो ये पूछूँ
अफ़्लाक से पीछे हूँ कि अफ़्लाक से आगे
दम तोड़ न दे अब कहीं ख़्वाहिश की हवा भी
ये ख़ाक तो उड़ती नहीं ख़ाशाक से आगे
जो नक़्श उभारे थे मिटाए भी हैं उस ने
दरपेश फिर इक चाक है इस चाक से आगे
आईने को तोड़ा है तो मालूम हुआ है
गुज़रा हूँ किसी दश्त-ए-ख़तरनाक से आगे
हम-ज़ाद की सूरत है मिरे यार की सूरत
मैं कैसे निकल सकता हूँ चालाक से आगे
vahshat meñ nikal aayā huuñ idrāk se aage
ab DhūñDh mujhe majma-e-ushshāq se aage
ik surḳh samundar meñ tirā zikr bahut hai
ai shaḳhs guzar dīda-e-namnāk se aage
us paar se aatā koī dekhūñ to ye pūchhūñ
aflāk se pīchhe huuñ ki aflāk se aage
dam toḌ na de ab kahīñ ḳhvāhish kī havā bhī
ye ḳhaak to uḌtī nahīñ ḳhāshāk se aage
jo naqsh ubhāre the miTā.e bhī haiñ us ne
darpesh phir ik chaak hai is chaak se aage
ā.īne ko toḌā hai to mālūm huā hai
guzrā huuñ kisī dasht-e-ḳhatarnāk se aage
ham-zād kī sūrat hai mire yaar kī sūrat
maiñ kaise nikal saktā huuñ chālāk se aage
وحشت میں نکل آیا ہوں ادراک سے آگے
اب ڈھونڈ مجھے مجمع عشاق سے آگے
اک سرخ سمندر میں ترا ذکر بہت ہے
اے شخص گزر دیدۂ نمناک سے آگے
اس پار سے آتا کوئی دیکھوں تو یہ پوچھوں
افلاک سے پیچھے ہوں کہ افلاک سے آگے
دم توڑ نہ دے اب کہیں خواہش کی ہوا بھی
یہ خاک تو اڑتی نہیں خاشاک سے آگے
جو نقش ابھارے تھے مٹائے بھی ہیں اس نے
درپیش پھر اک چاک ہے اس چاک سے آگے
آئینے کو توڑا ہے تو معلوم ہوا ہے
گزرا ہوں کسی دشت خطرناک سے آگے
ہم زاد کی صورت ہے مرے یار کی صورت
میں کیسے نکل سکتا ہوں چالاک سے آگے