वहशत-ए-दिल ने किया है वो बयाबाँ पैदा
सैकड़ों कोस नहीं सूरत-ए-इंसाँ पैदा
सहर-ए-वस्ल करेगी शब-ए-हिज्राँ पैदा
सुल्ब-ए-काफ़िर ही से होता है मुसलमाँ पैदा
दिल के आईने में कर जौहर-ए-पिन्हाँ पैदा
दर-ओ-दीवार से हो सूरत-ए-जानाँ पैदा
ख़ार दामन से उलझते हैं बहार आई है
चाक करने को किया गुल ने गरेबाँ पैदा
निस्बत उस दस्त-ए-निगारीं से नहीं कुछ इस को
ये कलाई तो करे पंजा-ए-मर्जां पैदा
नश्शा-ए-मय में खुली दुश्मनी-ए-दोस्त मुझे
आब-ए-अंगूर ने की आतिश-ए-पिन्हाँ पैदा
बाग़ सुनसान न कर इन को पकड़ कर सय्याद
बा'द मुद्दत हुए हैं मुर्ग़-ए-ख़ुश-इल्हाँ पैदा
अब क़दम से है मिरे ख़ाना-ए-ज़ंजीर आबाद
मुझ को वहशत ने किया सिलसिला-जुम्बाँ पैदा
रो के आँखों से निकालूँ में बुख़ार-ए-दिल को
कर चुके अब्र-ए-मिज़ा भी कहीं बाराँ पैदा
नारा-ज़न कुंज-ए-शहीदाँ में हो बुलबुल की तरह
आब-ए-आहन ने किया है ये गुलिस्ताँ पैदा
नक़्श उन का न किसी ला'ल से लब पर बैठा
मेरे मुँह में हुए थे किस लिए दंदाँ पैदा
ख़ौफ़ ना-फ़हमी-ए-मर्दुम से मुझे आता है
गाव ख़र होने लगे सूरत-ए-इंसाँ पैदा
रूह की तरह से दाख़िल हो जो दीवाना है
जिस्म-ए-ख़ाकी समझ इस को जो हो ज़िंदाँ पैदा
बे-हिजाबों का मगर शहर है अक़्लीम-ए-अदम
देखता हूँ जिसे होता है वो उर्यां पैदा
इक गुल ऐसा नहीं होवे न ख़िज़ाँ जिस की बहार
कौन से वक़्त हुआ था ये गुलिस्ताँ पैदा
मोजिद उस की है सियह-रोज़ी हमारी 'आतिश'
हम न होने तो न होती शब-ए-हिज्राँ पैदा
vahshat-e-dil ne kiyā hai vo bayābāñ paidā
saikḌoñ kos nahīñ sūrat-e-insāñ paidā
sahar-e-vasl karegī shab-e-hijrāñ paidā
sulb-e-kāfir hī se hotā hai musalmāñ paidā
dil ke ā.īne meñ kar jauhar-e-pinhāñ paidā
dar-o-dīvār se ho sūrat-e-jānāñ paidā
ḳhaar dāman se ulajhte haiñ bahār aa.ī hai
chaak karne ko kiyā gul ne garebāñ paidā
nisbat us dast-e-nigārīñ se nahīñ kuchh is ko
ye kalā.ī to kare panja-e-marjāñ paidā
nashsha-e-mai meñ khulī dushmanī-e-dost mujhe
āb-e-añgūr ne kī ātish-e-pinhāñ paidā
baaġh sunsān na kar in ko pakaḌ kar sayyād
ba.ad muddat hue haiñ murġh-e-ḳhush-ilhāñ paidā
ab qadam se hai mire ḳhāna-e-zanjīr ābād
mujh ko vahshat ne kiyā silsila-jumbāñ paidā
ro ke āñkhoñ se nikālūñ meñ buḳhār-e-dil ko
kar chuke abr-e-mizha bhī kahīñ bārāñ paidā
na.ara-zan kunj-e-shahīdāñ meñ ho bulbul kī tarah
āb-e-āhan ne kiyā hai ye gulistāñ paidā
naqsh un kā na kisī la.al se lab par baiThā
mere muñh meñ hue the kis liye dandāñ paidā
ḳhauf nā-fahmī-e-mardum se mujhe aatā hai
gaav ḳhar hone lage sūrat-e-insāñ paidā
ruuh kī tarah se dāḳhil ho jo dīvāna hai
jism-e-ḳhākī samajh is ko jo ho zindāñ paidā
be-hijāboñ kā magar shahr hai aqlīm-e-adam
dekhtā huuñ jise hotā hai vo uryāñ paidā
ik gul aisā nahīñ hove na ḳhizāñ jis kī bahār
kaun se vaqt huā thā ye gulistāñ paidā
mojid us kī hai siyah-rozī hamārī 'ātish'
ham na hone to na hotī shab-e-hijrāñ paidā
وحشت دل نے کیا ہے وہ بیاباں پیدا
سیکڑوں کوس نہیں صورت انساں پیدا
سحر وصل کرے گی شب ہجراں پیدا
صلب کافر ہی سے ہوتا ہے مسلماں پیدا
دل کے آئینے میں کر جوہر پنہاں پیدا
در و دیوار سے ہو صورت جاناں پیدا
خار دامن سے الجھتے ہیں بہار آئی ہے
چاک کرنے کو کیا گل نے گریباں پیدا
نسبت اس دست نگاریں سے نہیں کچھ اس کو
یہ کلائی تو کرے پنجۂ مرجاں پیدا
نشۂ مے میں کھلی دشمنی دوست مجھے
آب انگور نے کی آتش پنہاں پیدا
باغ سنسان نہ کر ان کو پکڑ کر صیاد
بعد مدت ہوئے ہیں مرغ خوش الحاں پیدا
اب قدم سے ہے مرے خانۂ زنجیر آباد
مجھ کو وحشت نے کیا سلسلہ جنباں پیدا
رو کے آنکھوں سے نکالوں میں بخار دل کو
کر چکے ابر مژہ بھی کہیں باراں پیدا
نعرہ زن کنج شہیداں میں ہو بلبل کی طرح
آب آہن نے کیا ہے یہ گلستاں پیدا
نقش ان کا نہ کسی لعل سے لب پر بیٹھا
میرے منہ میں ہوئے تھے کس لیے دنداں پیدا
خوف نا فہمی مردم سے مجھے آتا ہے
گاؤ خر ہونے لگے صورت انساں پیدا
روح کی طرح سے داخل ہو جو دیوانہ ہے
جسم خاکی سمجھ اس کو جو ہو زنداں پیدا
بے حجابوں کا مگر شہر ہے اقلیم عدم
دیکھتا ہوں جسے ہوتا ہے وہ عریاں پیدا
اک گل ایسا نہیں ہووے نہ خزاں جس کی بہار
کون سے وقت ہوا تھا یہ گلستاں پیدا
موجد اس کی ہے سیہ روزی ہماری آتشؔ
ہم نہ ہونے تو نہ ہوتی شب ہجراں پیدا