वही कुछ ज़िंदगी में ज़िंदगी का भेद पाते हैं
जो पैहम जुस्तुजू करते हैं बरसों ग़म उठाते हैं
जो सच पूछो तो ख़ुद जीते हैं और जीना सिखाते हैं
वो दीवाने जो हर तूफ़ान-ए-ग़म में मुस्कुराते हैं
कुछ इस अंदाज़ से वो अपनी महफ़िल में बुलाते हैं
कि इंसाँ के क़दम उठने से पहले काँप जाते हैं
वो पिछली शब को अपने रुख़ से जब पर्दा उठाते हैं
मिरा एहसास शाहिद है दो-आलम झूम जाते हैं
तअ'ज्जुब क्यों है मेरी बे-ख़ुदी पर अहल-ए-महशर को
वो जिस को भी पिलाते हैं कुछ ऐसी ही पिलाते हैं
नहीं कुछ ख़ाक-ए-दिल लेकिन पहुँच कर उन के दामन तक
यही ज़र्रे मह-ओ-ख़ुर्शीद बन कर जगमगाते हैं
मोहब्बत इब्तिदा ता-इंतिहा इरफ़ान-ए-कामिल है
मगर हम तो उन्हें पाने से पहले खोए जाते हैं
तिरा कूचा ही क्यों रह रह के पैहम याद आता है
इसी आलम में आलम और भी तो पाए जाते हैं
शिकायत कर रहे हो 'कैफ़' तुम को शुक्र लाज़िम है
वो मुश्किल से किसी को अपना दीवाना बनाते हैं
vahī kuchh zindagī meñ zindagī kā bhed paate haiñ
jo paiham justujū karte haiñ barsoñ ġham uThāte haiñ
jo sach pūchho to ḳhud jiite haiñ aur jiinā sikhāte haiñ
vo dīvāne jo har tūfān-e-ġham meñ muskurāte haiñ
kuchh is andāz se vo apnī mahfil meñ bulāte haiñ
ki insāñ ke qadam uThne se pahle kaañp jaate haiñ
vo pichhlī shab ko apne ruḳh se jab pardā uThāte haiñ
mirā ehsās shāhid hai do-ālam jhuum jaate haiñ
ta.ajjub kyoñ hai merī be-ḳhudī par ahl-e-mahshar ko
vo jis ko bhī pilāte haiñ kuchh aisī hī pilāte haiñ
nahīñ kuchh ḳhāk-e-dil lekin pahuñch kar un ke dāman tak
yahī zarre mah-o-ḳhurshīd ban kar jagmagāte haiñ
mohabbat ibtidā tā-intihā irfān-e-kāmil hai
magar ham to unheñ paane se pahle kho.e jaate haiñ
tirā kūcha hī kyoñ rah rah ke paiham yaad aatā hai
isī aalam meñ aalam aur bhī to paa.e jaate haiñ
shikāyat kar rahe ho 'kaif' tum ko shukr lāzim hai
vo mushkil se kisī ko apnā dīvāna banāte haiñ
وہی کچھ زندگی میں زندگی کا بھید پاتے ہیں
جو پیہم جستجو کرتے ہیں برسوں غم اٹھاتے ہیں
جو سچ پوچھو تو خود جیتے ہیں اور جینا سکھاتے ہیں
وہ دیوانے جو ہر طوفان غم میں مسکراتے ہیں
کچھ اس انداز سے وہ اپنی محفل میں بلاتے ہیں
کہ انساں کے قدم اٹھنے سے پہلے کانپ جاتے ہیں
وہ پچھلی شب کو اپنے رخ سے جب پردا اٹھاتے ہیں
مرا احساس شاہد ہے دو عالم جھوم جاتے ہیں
تعجب کیوں ہے میری بے خودی پر اہل محشر کو
وہ جس کو بھی پلاتے ہیں کچھ ایسی ہی پلاتے ہیں
نہیں کچھ خاک دل لیکن پہنچ کر ان کے دامن تک
یہی ذرے مہ و خورشید بن کر جگمگاتے ہیں
محبت ابتدا تا انتہا عرفان کامل ہے
مگر ہم تو انہیں پانے سے پہلے کھوئے جاتے ہیں
ترا کوچہ ہی کیوں رہ رہ کے پیہم یاد آتا ہے
اسی عالم میں عالم اور بھی تو پائے جاتے ہیں
شکایت کر رہے ہو کیفؔ تم کو شکر لازم ہے
وہ مشکل سے کسی کو اپنا دیوانہ بناتے ہیں