वही चितवन की ख़ूँ-ख़्वारी जो आगे थी सो अब भी है
तिरी आँखों की बीमारी जो आगे थी सो अब भी है
वही नश्व-ओ-नुमा-ए-सब्ज़ा है गोर-ए-ग़रीबाँ पर
हवा-ए-चर्ख़-ए-ज़ंगारी जो आगे थी सो अब भी है
तअल्लुक़ है वही ता-हाल उन ज़ुल्फ़ों के सौदे से
सलासिल की गिरफ़्तारी जो आगे थी सो अब भी है
वही सर का पटकना है वही रोना है दिन भर का
वही रातों की बेदारी जो आगे थी सो अब भी है
रिवाज-ए-इश्क़ के आईं वही हैं किश्वर-ए-दिल में
रह-ओ-रस्म-ए-वफ़ा जारी जो आगे थी सो अब भी है
वही जी का जलाना है पकाना है वही दिल का
वो उस की गर्म-बाज़ारी जो आगे थी सो अब भी है
नियाज़-ए-ख़ादिमाना है वही फ़ज़्ल-ए-इलाही से
बुतों की नाज़-बरदारी जो आगे थी सो अब भी है
फ़िराक़-ए-यार में जिस तरह से मरता था मरता हूँ
वो रूह ओ तन की बे-ज़ारी जो आगे थी सो अब भी है
वही साैदा-ए-काकुल का है आलम जो कि साबिक़ था
ये शब बीमार पर भारी जो आगे थी सो अब भी है
जुनूँ की गर्म-जोशी है वही दीवानों से अपनी
वही दाग़ों की गुल-कारी जो आगे थी सो अब भी है
वही बाज़ार-ए-गर्मी है मोहब्बत की हनूज़ 'आतिश'
वो यूसुफ़ की ख़रीदारी जो आगे थी सो अब भी है
vahī chitvan kī ḳhūñ-ḳhvārī jo aage thī so ab bhī hai
tirī āñkhoñ kī bīmārī jo aage thī so ab bhī hai
vahī nashv-o-numā-e-sabza hai gor-e-ġharībāñ par
havā-e-charḳh-e-zañgārī jo aage thī so ab bhī hai
ta.alluq hai vahī tā-hāl un zulfoñ ke saude se
salāsil kī giraftārī jo aage thī so ab bhī hai
vahī sar kā paTaknā hai vahī ronā hai din bhar kā
vahī rātoñ kī bedārī jo aage thī so ab bhī hai
rivāj-e-ishq ke aa.iiñ vahī haiñ kishvar-e-dil meñ
rah-o-rasm-e-vafā jaarī jo aage thī so ab bhī hai
vahī jī kā jalānā hai pakānā hai vahī dil kā
vo us kī garm-bāzārī jo aage thī so ab bhī hai
niyāz-e-ḳhādimāna hai vahī fazl-e-ilāhī se
butoñ kī nāz-bardārī jo aage thī so ab bhī hai
firāq-e-yār meñ jis tarah se martā thā martā huuñ
vo ruuh o tan kī be-zārī jo aage thī so ab bhī hai
vahī saudā-e-kākul kā hai aalam jo ki sābiq thā
ye shab bīmār par bhārī jo aage thī so ab bhī hai
junūñ kī garm-joshī hai vahī dīvānoñ se apnī
vahī dāġhoñ kī gul-kārī jo aage thī so ab bhī hai
vahī bāzār-e-garmī hai mohabbat kī hanūz 'ātish'
vo yūsuf kī ḳharīdārī jo aage thī so ab bhī hai
وہی چتون کی خوں خواری جو آگے تھی سو اب بھی ہے
تری آنکھوں کی بیماری جو آگے تھی سو اب بھی ہے
وہی نشو نمائے سبزہ ہے گور غریباں پر
ہوائے چرخ زنگاری جو آگے تھی سو اب بھی ہے
تعلق ہے وہی تا حال ان زلفوں کے سودے سے
سلاسل کی گرفتاری جو آگے تھی سو اب بھی ہے
وہی سر کا پٹکنا ہے وہی رونا ہے دن بھر کا
وہی راتوں کی بیداری جو آگے تھی سو اب بھی ہے
رواج عشق کے آئیں وہی ہیں کشور دل میں
رہ و رسم وفا جاری جو آگے تھی سو اب بھی ہے
وہی جی کا جلانا ہے پکانا ہے وہی دل کا
وہ اس کی گرم بازاری جو آگے تھی سو اب بھی ہے
نیاز خادمانہ ہے وہی فضل الٰہی سے
بتوں کی ناز برداری جو آگے تھی سو اب بھی ہے
فراق یار میں جس طرح سے مرتا تھا مرتا ہوں
وہ روح و تن کی بے زاری جو آگے تھی سو اب بھی ہے
وہی سودائے کاکل کا ہے عالم جو کہ سابق تھا
یہ شب بیمار پر بھاری جو آگے تھی سو اب بھی ہے
جنوں کی گرم جوشی ہے وہی دیوانوں سے اپنی
وہی داغوں کی گلکاری جو آگے تھی سو اب بھی ہے
وہی بازار گرمی ہے محبت کی ہنوز آتشؔ
وہ یوسف کی خریداری جو آگے تھی سو اب بھی ہے