वहाँ शायद कोई बैठा हुआ है
अभी खिड़की में इक जलता दिया है
मिरा दिल भी अजब ख़ाली विया है
किसी की याद ने जिस को भरा है
परिंदे शाख़ से लिपटे हुए हैं
ये कैसा ख़ौफ़ ख़ेमा-ज़न हुआ है
मिरी ख़ामोशियों की झील में फिर
किसी आवाज़ का पत्थर गिरा है
मोहब्बत का मुक़द्दर देखते हो
हवा ने कुछ तो पानी पर लिखा है
उसी पर खुल रहे हैं सारे मौसम
जो अपने घर से बाहर आ गया है
चराग़ो अब ज़रा अपनी सुनाओ
हवा का काम पूरा हो चुका है
मोहब्बत फिर वहीं ले आई 'आदिल'
ये जंगल बार-हा देखा हुआ है
vahāñ shāyad koī baiThā huā hai
abhī khiḌkī meñ ik jaltā diyā hai
mirā dil bhī ajab ḳhālī viyā hai
kisī kī yaad ne jis ko bharā hai
parinde shāḳh se lipTe hue haiñ
ye kaisā ḳhauf ḳhema-zan huā hai
mirī ḳhāmoshiyoñ kī jhiil meñ phir
kisī āvāz kā patthar girā hai
mohabbat kā muqaddar dekhte ho
havā ne kuchh to paanī par likhā hai
usī par khul rahe haiñ saare mausam
jo apne ghar se bāhar aa gayā hai
charāġho ab zarā apnī sunāo
havā kā kaam puurā ho chukā hai
mohabbat phir vahīñ le aa.ī 'ādil'
ye jañgal bār-hā dekhā huā hai
وہاں شاید کوئی بیٹھا ہوا ہے
ابھی کھڑکی میں اک جلتا دیا ہے
مرا دل بھی عجب خالی ویا ہے
کسی کی یاد نے جس کو بھرا ہے
پرندے شاخ سے لپٹے ہوئے ہیں
یہ کیسا خوف خیمہ زن ہوا ہے
مری خاموشیوں کی جھیل میں پھر
کسی آواز کا پتھر گرا ہے
محبت کا مقدر دیکھتے ہو
ہوا نے کچھ تو پانی پر لکھا ہے
اسی پر کھل رہے ہیں سارے موسم
جو اپنے گھر سے باہر آ گیا ہے
چراغو اب ذرا اپنی سناؤ
ہوا کا کام پورا ہو چکا ہے
محبت پھر وہیں لے آئی عادلؔ
یہ جنگل بارہا دیکھا ہوا ہے