वफ़ा का बंदा हूँ उल्फ़त का पासदार हूँ मैं
हरीफ़-ए-क़ुमरी-ओ-परवाना-ए-हज़ार हूँ मैं
जुदा जुदा नज़र आती है जल्वा-ए-तासीर
क़रार हो गया मूसा को बे-क़रार हूँ मैं
ख़ुमार जिस से न वाक़िफ़ हो वो सुरूर हैं आप
सुरूर जिस से न आगाह हो वो ख़ुमार हूँ मैं
समा गया है ये सौदा 'अजीब सर में मिरे
करम का अहल-ए-सितम से उमीद-वार हूँ मैं
'एवज़ दवा के दु'आ दे गया तबीब मुझे
कहा जो मैं ने ग़म-ए-हिज्र से दो-चार हूँ मैं
शबाब कर दिया मेरा तबाह उल्फ़त ने
ख़िज़ाँ के हाथ की बोई हुई बहार हूँ मैं
क़रार-दाद-ए-गरेबाँ हुई ये दामन से
कि पुर्ज़े पुर्ज़े अगर हो तो तार तार हूँ मैं
मिरे मज़ार को समझा न जाए एक मज़ार
हज़ार हसरत-ओ-अरमाँ का ख़ुद मज़ार हूँ मैं
'ज़हीर' ओ 'अरशद' ओ 'ग़ालिब' का हूँ जिगर-गोशा
जनाब-ए-'दाग़' का तिल्मीज़ ओ यादगार हूँ मैं
अमीर करते हैं 'इज़्ज़त मिरी हूँ वो 'साइल'
गुलों के पहलू में रहता हूँ ऐसा ख़ार हूँ मैं
vafā kā banda huuñ ulfat kā pāsdār huuñ maiñ
Harīf-e-qamrī-o-parvāna-e-hazār huuñ maiñ
judā judā nazar aatī hai jalva-e-tāsīr
qarār ho gayā muusā ko be-qarār huuñ maiñ
ḳhumār jis se na vāqif ho vo surūr haiñ aap
surūr jis se na āgāh ho vo ḳhumār huuñ maiñ
samā gayā hai ye saudā 'ajīb sar meñ mire
karam kā ahl-e-sitam se umīd-vār huuñ maiñ
'evaz davā ke du'ā de gayā tabīb mujhe
kahā jo maiñ ne ġham-e-hijr se do-chār huuñ maiñ
shabāb kar diyā merā tabāh ulfat ne
ḳhizāñ ke haath kī boī huī bahār huuñ maiñ
qarār-dād-e-garebāñ huī ye dāman se
ki purze purze agar ho to taar taar huuñ maiñ
mire mazār ko samjhā na jaa.e ek mazār
hazār hasrat-o-armāñ kā ḳhud mazār huuñ maiñ
'zahīr' o 'arshad' o 'ġhālib' kā huuñ jigar-gosha
janāb-e-'dāġh' kā tilmīz o yādgār huuñ maiñ
amiir karte haiñ 'izzat mirī huuñ vo 'sā.il'
guloñ ke pahlū meñ rahtā huuñ aisā ḳhaar huuñ maiñ
وفا کا بندہ ہوں الفت کا پاسدار ہوں میں
حریف قمری و پروانۂ ہزار ہوں میں
جدا جدا نظر آتی ہے جلوۂ تاثیر
قرار ہو گیا موسیٰ کو بے قرار ہوں میں
خمار جس سے نہ واقف ہو وہ سرور ہیں آپ
سرور جس سے نہ آگاہ ہو وہ خمار ہوں میں
سما گیا ہے یہ سودا عجیب سر میں مرے
کرم کا اہل ستم سے امیدوار ہوں میں
عوض دوا کے دعا دے گیا طبیب مجھے
کہا جو میں نے غم ہجر سے دو چار ہوں میں
شباب کر دیا میرا تباہ الفت نے
خزاں کے ہاتھ کی بوئی ہوئی بہار ہوں میں
قرار داد گریباں ہوئی یہ دامن سے
کہ پرزے پرزے اگر ہو تو تار تار ہوں میں
مرے مزار کو سمجھا نہ جائے ایک مزار
ہزار حسرت و ارماں کا خود مزار ہوں میں
ظہیرؔ و ارشدؔ و غالبؔ کا ہوں جگر گوشہ
جناب داغؔ کا تلمیذ و یادگار ہوں میں
امیر کرتے ہیں عزت مری ہوں وہ سائلؔ
گلوں کے پہلو میں رہتا ہوں ایسا خار ہوں میں