बसा-औक़ात आ जाते हैं दामन से गरेबाँ में
बहुत देखे हैं ऐसे जोश अश्क-ए-चश्म-ए-गिर्यां में
नहीं है ताब ज़ब्त-ए-ग़म किसी आशिक़ के इम्काँ में
दिल-ए-ख़ूँ-गश्ता या दामन में होगा या गरेबाँ में
मुबारक बादिया-गर्दो बहार आई बयाबाँ में
नुमूद-ए-रंग-ए-गुल है हर सर-ए-ख़ार-ए-मुग़ीलाँ में
ज़ियादा ख़ौफ़-ए-रुस्वाई नहीं है सोज़-ए-पिन्हाँ में
धुआँ होता है लेकिन कम चराग़-ए-ज़ेर-ए-दामाँ में
हमेशा पी के मय जाम ओ सुराही तोड़ देता हूँ
न मेरा दिल तरसता है न फ़र्क़ आता है ईमाँ में
मज़ा क्यूँ काविश-ए-ज़ख़्म-ए-जिगर का आज कम कम है
नमक की कोई चुटकी रह गई होगी नमक-दाँ में
जनाब-ए-क़ैस ने दिल से भुलाया दोनों आलम को
जुनूँ के चार हर्फ़ों का सबक़ लेकर दबिस्ताँ में
बहार आई मिला ये हुक्म मुझ को और बुलबुल को
कि वो काटे क़फ़स में ख़ाक छानूँ मैं बयाबाँ में
तरन्नुम-रेज़ियाँ बज़्म-ए-सुख़न में सुन के 'साइल' की
गुमाँ होता है बुलबुल के चहकने का गुलिस्ताँ में
basā-auqāt aa jaate haiñ dāman se garebāñ meñ
bahut dekhe haiñ aise josh ashk-e-chashm-e-giryāñ meñ
nahīñ hai taab zabt-e-ġham kisī āshiq ke imkāñ meñ
dil-e-ḳhūñ-gashta yā dāman meñ hogā yā garebāñ meñ
mubārak bādiya-gardo bahār aa.ī bayābāñ meñ
numūd-e-rañg-e-gul hai har sar-e-ḳhār-e-muġhīlāñ meñ
ziyāda ḳhauf-e-rusvā.ī nahīñ hai soz-e-pinhāñ meñ
dhuāñ hotā hai lekin kam charāġh-e-zer-e-dāmāñ meñ
hamesha pī ke mai jaam o surāhī toḌ detā huuñ
na merā dil tarastā hai na farq aatā hai īmāñ meñ
maza kyuuñ kāvish-e-zaḳhm-e-jigar kā aaj kam kam hai
namak kī koī chuTkī rah ga.ī hogī namak-dāñ meñ
janāb-e-qais ne dil se bhulāyā donoñ aalam ko
junūñ ke chaar harfoñ kā sabaq lekar dabistāñ meñ
bahār aa.ī milā ye hukm mujh ko aur bulbul ko
ki vo kaaTe qafas meñ ḳhaak chhānūñ maiñ bayābāñ meñ
tarannum-reziyāñ bazm-e-suḳhan meñ sun ke 'sā.el' kī
gumāñ hotā hai bulbul ke chahakne kā gulistāñ meñ
بسا اوقات آ جاتے ہیں دامن سے گریباں میں
بہت دیکھے ہیں ایسے جوش اشک چشم گریاں میں
نہیں ہے تاب ضبط غم کسی عاشق کے امکاں میں
دل خوں گشتہ یا دامن میں ہوگا یا گریباں میں
مبارک بادیہ گردو بہار آئی بیاباں میں
نمود رنگ گل ہے ہر سر خار مغیلاں میں
زیادہ خوف رسوائی نہیں ہے سوز پنہاں میں
دھواں ہوتا ہے لیکن کم چراغ زیر داماں میں
ہمیشہ پی کے مے جام و صراحی توڑ دیتا ہوں
نہ میرا دل ترستا ہے نہ فرق آتا ہے ایماں میں
مزہ کیوں کاوش زخم جگر کا آج کم کم ہے
نمک کی کوئی چٹکی رہ گئی ہوگی نمکداں میں
جناب قیس نے دل سے بھلایا دونوں عالم کو
جنوں کے چار حرفوں کا سبق لیکر دبستاں میں
بہار آئی ملا یہ حکم مجھ کو اور بلبل کو
کہ وہ کاٹے قفس میں خاک چھانوں میں بیاباں میں
ترنم ریزیاں بزم سخن میں سن کے سائلؔ کی
گماں ہوتا ہے بلبل کے چہکنے کا گلستاں میں