हमें कहती है दुनिया ज़ख़्म-ए-दिल ज़ख़्म-ए-जिगर वाले
ज़रा तुम भी तो देखो हम को तुम भी हो नज़र वाले
नज़र आएँगे नक़्श-ए-पा जहाँ उस फ़ित्नागर वाले
चलेंगे सर के बल रस्ता वहाँ के रहगुज़र वाले
सितम-ईजादियों की शान में बट्टा न आ जाए
न करना भूल कर तुम जौर चर्ख़-ए-कीना-वर वाले
जफ़ा-ओ-जौर-ए-गुल-चीं से चमन मातम-कदा सा है
फड़कते हैं क़फ़स की तरह आज़ादी में पर वाले
अलिफ़ से ता-ब-या लिल्लाह अफ़्साना सुना दीजे
जनाब-ए-मूसा-ए-इमराँ वही हैरत-नगर वाले
हमें मालूम है हम मानते हैं हम ने सीखा है
दिल आज़ुर्दा हुआ करते हैं अज़ हद चश्म-ए-तर वाले
कटाने को गला आठों पहर मौजूद रहते हैं
वो दिल वाले जिगर वाले सही हम भी हैं सर वाले
तमाशा देख कर दुनिया का 'साइल' को हुई हैरत
कि तकते रह गए बद-गौहरों का मुँह गुहर वाले
hameñ kahtī hai duniyā zaḳhm-e-dil zaḳhm-e-jigar vaale
zarā tum bhī to dekho ham ko tum bhī ho nazar vaale
nazar ā.eñge naqsh-e-pā jahāñ us fitnagar vaale
chaleñge sar ke bal rasta vahāñ ke rahguzar vaale
sitam-ījādiyoñ kī shaan meñ baTTā na aa jaa.e
na karnā bhuul kar tum jaur charḳh-e-kīna-var vaale
jafā-o-jaur-e-gul-chīñ se chaman mātam-kada sā hai
phaḌakte haiñ qafas kī tarah āzādī meñ par vaale
alif se tā-ba-yā lillāh afsāna sunā diije
janāb-e-mūsa-e-imrāñ vahī hairat-nagar vaale
hameñ mālūm hai ham mānte haiñ ham ne sīkhā hai
dil āzurda huā karte haiñ az had chashm-e-tar vaale
kaTāne ko galā āThoñ pahr maujūd rahte haiñ
vo dil vaale jigar vaale sahī ham bhī haiñ sar vaale
tamāshā dekh kar duniyā kā 'sā.el' ko huī hairat
ki takte rah ga.e bad-gauharoñ kā muñh guhar vaale
ہمیں کہتی ہے دنیا زخم دل زخم جگر والے
ذرا تم بھی تو دیکھو ہم کو تم بھی ہو نظر والے
نظر آئیں گے نقش پا جہاں اس فتنہ گر والے
چلیں گے سر کے بل رستہ وہاں کے رہ گزر والے
ستم ایجادیوں کی شان میں بٹا نہ آ جائے
نہ کرنا بھول کر تم جور چرخ کینہ ور والے
جفا و جور گلچیں سے چمن ماتم کدہ سا ہے
پھڑکتے ہیں قفس کی طرح آزادی میں پر والے
الف سے تا بہ یا للہ افسانہ سنا دیجے
جناب موسئ عمراں وہی حیرت نگر والے
ہمیں معلوم ہے ہم مانتے ہیں ہم نے سیکھا ہے
دل آزردہ ہوا کرتے ہیں از حد چشم تر والے
کٹانے کو گلا آٹھوں پہر موجود رہتے ہیں
وہ دل والے جگر والے سہی ہم بھی ہیں سر والے
تماشا دیکھ کر دنیا کا سائلؔ کو ہوئی حیرت
کہ تکتے رہ گئے بد گوہروں کا منہ گہر والے