वाँ नक़ाब उट्ठी कि सुब्ह-ए-हश्र का मंज़र खुला
या किसी के हुस्न-ए-आलम-ताब का दफ़्तर खुला
ग़ैब से पिछले पहर आती है कानों में सदा
उट्ठो उट्ठो रहमत-ए-रब्ब-ए-उला का दर खुला
आँख झपकी थी तसव्वुर बंध चुका था यार का
चौंकते ही हसरत-ए-दीदार का दफ़्तर खुला
कू-ए-जानाँ का समाँ आँखों के आगे फिर गया
सुब्ह-ए-जन्नत का जो अपने सामने मंज़र खुला
रंग बदला फिर हवा का मय-कशों के दिन फिरे
फिर चली बाद-ए-सबा फिर मय-कदे का दर खुला
आ रही है साफ़ बू़-ए-सुंबुल-ए-बाग़-ए-जिनाँ
गेसु-ए-महबूब शायद मेरी मय्यत पर खुला
चार-दीवार-ए-अनासिर फाँद कर पहुँचे कहाँ
आज अपना ज़ोर-ए-वहशत अर्श-ए-आज़म पर खुला
चुप लगी मुझ को गुनाह-ए-इश्क़ साबित हो गया
रंग चेहरे का उड़ा राज़-ए-दिल-ए-मुज़्तर खुला
अश्क-ए-ख़ूँ से ज़र्द चेहरे पर है क्या तुर्फ़ा बहार
देखिए रंग-ए-जुनूँ कैसा मिरे मुँह पर खुला
ख़ंजर-ए-क़ातिल से जन्नत की हवा आने लगी
और बहार-ए-ज़ख़्म से फ़िरदौस का मंज़र खुला
नीम-जाँ छोड़ा तिरी तलवार ने अच्छा किया
एड़ियाँ बिस्मिल ने रगड़ीं सब्र का जौहर खुला
सोहबत-ए-वाइज़ में भी अंगड़ाइयाँ आने लगीं
राज़ अपनी मय-कशी का क्या कहें क्यूँकर खुला
हाथ उलझा है गरेबाँ में तो घबराओ न 'यास'
बेड़ियाँ क्यूँकर कटीं ज़िंदाँ का दर क्यूँकर खुला
vaañ naqāb uTThī ki sub.h-e-hashr kā manzar khulā
yā kisī ke husn-e-ālam-tāb kā daftar khulā
ġhaib se pichhle pahar aatī hai kānoñ meñ sadā
uTTho uTTho rahmat-e-rabb-e-ulā kā dar khulā
aañkh jhapkī thī tasavvur bañdh chukā thā yaar kā
chauñkte hī hasrat-e-dīdār kā daftar khulā
kū-e-jānāñ kā samāñ āñkhoñ ke aage phir gayā
sub.h-e-jannat kā jo apne sāmne manzar khulā
rañg badlā phir havā kā mai-kashoñ ke din phire
phir chalī bād-e-sabā phir mai-kade kā dar khulā
aa rahī hai saaf bū-e-sumbul-e-bāġh-e-jināñ
gesū-e-mahbūb shāyad merī mayyat par khulā
chār-dīvār-e-anāsir phāñd kar pahuñche kahāñ
aaj apnā zor-e-vahshat arsh-e-āzam par khulā
chup lagī mujh ko gunāh-e-ishq sābit ho gayā
rañg chehre kā uḌā rāz-e-dil-e-muztar khulā
ashk-e-ḳhūñ se zard chehre par hai kyā turfa bahār
dekhiye rañg-e-junūñ kaisā mire muñh par khulā
ḳhanjar-e-qātil se jannat kī havā aane lagī
aur bahār-e-zaḳhm se firdaus kā manzar khulā
nīm-jāñ chhoḌā tirī talvār ne achchhā kiyā
eḌiyāñ bismil ne ragḌīñ sabr kā jauhar khulā
sohbat-e-vā.iz meñ bhī añgḌā.iyāñ aane lagīñ
raaz apnī mai-kashī kā kyā kaheñ kyūñkar khulā
haath uljhā hai garebāñ meñ to ghabrāo na 'yās'
beḌiyāñ kyūñkar kaTīñ zindāñ kā dar kyūñkar khulā
واں نقاب اٹھی کہ صبح حشر کا منظر کھلا
یا کسی کے حسن عالم تاب کا دفتر کھلا
غیب سے پچھلے پہر آتی ہے کانوں میں صدا
اٹھو اٹھو رحمت رب علا کا در کھلا
آنکھ جھپکی تھی تصور بندھ چکا تھا یار کا
چونکتے ہی حسرت دیدار کا دفتر کھلا
کوئے جاناں کا سماں آنکھوں کے آگے پھر گیا
صبح جنت کا جو اپنے سامنے منظر کھلا
رنگ بدلا پھر ہوا کا مے کشوں کے دن پھرے
پھر چلی باد صبا پھر مے کدے کا در کھلا
آ رہی ہے صاف بوئے سنبل باغ جناں
گیسوئے محبوب شاید میری میت پر کھلا
چار دیوار عناصر پھاند کر پہنچے کہاں
آج اپنا زور وحشت عرش اعظم پر کھلا
چپ لگی مجھ کو گناہ عشق ثابت ہو گیا
رنگ چہرے کا اڑا راز دل مضطر کھلا
اشک خوں سے زرد چہرے پر ہے کیا طرفہ بہار
دیکھیے رنگ جنوں کیسا مرے منہ پر کھلا
خنجر قاتل سے جنت کی ہوا آنے لگی
اور بہار زخم سے فردوس کا منظر کھلا
نیم جاں چھوڑا تری تلوار نے اچھا کیا
ایڑیاں بسمل نے رگڑیں صبر کا جوہر کھلا
صحبت واعظ میں بھی انگڑائیاں آنے لگیں
راز اپنی مے کشی کا کیا کہیں کیونکر کھلا
ہاتھ الجھا ہے گریباں میں تو گھبراؤ نہ یاسؔ
بیڑیاں کیونکر کٹیں زنداں کا در کیونکر کھلا