उज़्र उन की ज़बान से निकला
तीर गोया कमान से निकला
वो छलावा इस आन से निकला
अल-अमाँ हर ज़बान से निकला
ख़ार-ए-हसरत बयान से निकला
दिल का काँटा ज़बान से निकला
फ़ित्ना-गर क्या मकान से निकला
आसमाँ आसमान से निकला
आ गया ग़श निगाह देखते ही
मुद्दआ कब ज़बान से निकला
खा गए थे वफ़ा का धोका हम
झूट सच इम्तिहान से निकला
दिल में रहने न दूँ तिरा शिकवा
दिल में आया ज़बान से निकला
वहम आते हैं देखिए क्या हो
वो अकेला मकान से निकला
तुम बरसते रहे सर-ए-महफ़िल
कुछ भी मेरी ज़बान से निकला
सच तो ये है मोआमला दिल का
बाहर अपने गुमान से निकला
उस को आयत हदीस क्या समझें
जो तुम्हारी ज़बान से निकला
पड़ गया जो ज़बाँ से तेरी हर्फ़
फिर न अपने मकान से निकला
देख कर रू-ए-यार सल्ले-अला
बे-तहाशा ज़बान से निकला
लो क़यामत अब आई वो काफ़िर
बन-बना कर मकान से निकला
मर गए हम मगर तिरा अरमान
दिल से निकला न जान से निकला
रहरव-ए-राह-ए-इश्क़ थे लाखों
आगे मैं कारवान से निकला
समझो पत्थर की तुम लकीर उसे
जो हमारी ज़बान से निकला
बज़्म से तुम को ले के जाएँगे
काम कब फूल-पान से निकला
क्या मुरव्वत है नावक-ए-दिल-दोज़
पहले हरगिज़ न जान से निकला
तेरे दीवानों का भी लश्कर आज
किस तजम्मुल से शान से निकला
मुड़ के देखा तो मैं ने कब देखा
दूर जब पासबान से निकला
वो हिले लब तुम्हारे वादे पर
वो तुम्हारी ज़बान से निकला
उस की बाँकी अदा ने जब मारा
दम मिरा आन तान से निकला
मेरे आँसू की उस ने की तारीफ़
ख़ूब मोती ये कान से निकला
हम खड़े तुम से बातें करते थे
ग़ैर क्यूँ दरमियान से निकला
ज़िक्र अहल-ए-वफ़ा का जब आया
'दाग़' उन की ज़बान से निकला
uzr un kī zabān se niklā
tiir goyā kamān se niklā
vo chhalāvā is aan se niklā
al-amāñ har zabān se niklā
ḳhār-e-hasrat bayān se niklā
dil kā kāñTā zabān se niklā
fitna-gar kyā makān se niklā
āsmāñ āsmān se niklā
aa gayā ġhash nigāh dekhte hī
mudda.ā kab zabān se niklā
khā ga.e the vafā kā dhokā ham
jhuuT sach imtihān se niklā
dil meñ rahne na duuñ tirā shikva
dil meñ aayā zabān se niklā
vahm aate haiñ dekhiye kyā ho
vo akelā makān se niklā
tum baraste rahe sar-e-mahfil
kuchh bhī merī zabān se niklā
sach to ye hai mo.āmla dil kā
bāhar apne gumān se niklā
us ko aayat hadīs kyā samjheñ
jo tumhārī zabān se niklā
paḌ gayā jo zabāñ se terī harf
phir na apne makān se niklā
dekh kar rū-e-yār salle-alā
be-tahāshā zabān se niklā
lo qayāmat ab aa.ī vo kāfir
ban-banā kar makān se niklā
mar ga.e ham magar tirā armān
dil se niklā na jaan se niklā
rāh-rav-e-rāh-e-ishq the lākhoñ
aage maiñ kārvān se niklā
samjho patthar kī tum lakīr use
jo hamārī zabān se niklā
bazm se tum ko le ke jā.eñge
kaam kab phūl-pān se niklā
kyā muravvat hai nāvak-e-dil-doz
pahle hargiz na jaan se niklā
tere dīvānoñ kā bhī lashkar aaj
kis tajammul se shaan se niklā
muḌ ke dekhā to maiñ ne kab dekhā
duur jab pāsbān se niklā
vo hile lab tumhāre vaade par
vo tumhārī zabān se niklā
us kī bāñkī adā ne jab maarā
dam mirā aan taan se niklā
mere aañsū kī us ne kī tārīf
ḳhuub motī ye kaan se niklā
ham khaḌe tum se bāteñ karte the
ġhair kyuuñ darmiyān se niklā
zikr ahl-e-vafā kā jab aayā
'dāġh' un kī zabān se niklā
عذر ان کی زبان سے نکلا
تیر گویا کمان سے نکلا
وہ چھلاوا اس آن سے نکلا
الاماں ہر زبان سے نکلا
خار حسرت بیان سے نکلا
دل کا کانٹا زبان سے نکلا
فتنہ گر کیا مکان سے نکلا
آسماں آسمان سے نکلا
آ گیا غش نگاہ دیکھتے ہی
مدعا کب زبان سے نکلا
کھا گئے تھے وفا کا دھوکا ہم
جھوٹ سچ امتحان سے نکلا
دل میں رہنے نہ دوں ترا شکوہ
دل میں آیا زبان سے نکلا
وہم آتے ہیں دیکھیے کیا ہو
وہ اکیلا مکان سے نکلا
تم برستے رہے سر محفل
کچھ بھی میری زبان سے نکلا
سچ تو یہ ہے معاملہ دل کا
باہر اپنے گمان سے نکلا
اس کو آیت حدیث کیا سمجھیں
جو تمہاری زبان سے نکلا
پڑ گیا جو زباں سے تیری حرف
پھر نہ اپنے مکان سے نکلا
دیکھ کر روئے یار صل علیٰ
بے تحاشا زبان سے نکلا
لو قیامت اب آئی وہ کافر
بن بنا کر مکان سے نکلا
مر گئے ہم مگر ترا ارمان
دل سے نکلا نہ جان سے نکلا
رہرو راہ عشق تھے لاکھوں
آگے میں کاروان سے نکلا
سمجھو پتھر کی تم لکیر اسے
جو ہماری زبان سے نکلا
بزم سے تم کو لے کے جائیں گے
کام کب پھول پان سے نکلا
کیا مروت ہے ناوک دل دوز
پہلے ہرگز نہ جان سے نکلا
تیرے دیوانوں کا بھی لشکر آج
کس تجمل سے شان سے نکلا
مڑ کے دیکھا تو میں نے کب دیکھا
دور جب پاسبان سے نکلا
وہ ہلے لب تمہارے وعدے پر
وہ تمہاری زبان سے نکلا
اس کی بانکی ادا نے جب مارا
دم مرا آن تان سے نکلا
میرے آنسو کی اس نے کی تعریف
خوب موتی یہ کان سے نکلا
ہم کھڑے تم سے باتیں کرتے تھے
غیر کیوں درمیان سے نکلا
ذکر اہل وفا کا جب آیا
داغؔ ان کی زبان سے نکلا