उट्ठा है अब्र जोश का आलम लिए हुए
बैठा हूँ मैं भी दीदा-ए-पुर-नम लिए हुए
साक़ी की चश्म-ए-मस्त का आलम न पूछिए
इक इक निगाह है कई आलम लिए हुए
शबनम नहीं गुलों पे ये क़तरे हैं अश्क के
गुज़रा है कोई दीदा-ए-पुर-नम लिए हुए
तय कर रहा हूँ इश्क़ की दुश्वार मंज़िलें
आह-ए-दराज़ ओ गिर्या-ए-पैहम लिए हुए
उठ ऐ नक़ाब-ए-यार कि बैठे हैं देर से
कितने ग़रीब दीदा-ए-पुर-नम लिए हुए
सुनता हूँ उन की बज़्म में छलकेंगे आज जाम
मैं भी चला हूँ दीदा-ए-पुर-नम लिए हुए
मोती की क़द्र सब को है फूलों को देखिए
क्या हँस रहे हैं क़तरा-ए-शबनम लिए हुए
जोश-ए-जुनूँ में लुत्फ़-ए-तसव्वुर न पूछिए
फिरते हैं साथ साथ उन्हें हम लिए हुए
दिल की लगी न उन से बुझी आज तक 'जलील'
दरिया हैं गरचे दीदा-ए-पुर-नम लिए हुए
uTThā hai abr josh kā aalam liye hue
baiThā huuñ maiñ bhī dīda-e-pur-nam liye hue
saaqī kī chashm-e-mast kā aalam na pūchhiye
ik ik nigāh hai ka.ī aalam liye hue
shabnam nahīñ guloñ pe ye qatre haiñ ashk ke
guzrā hai koī dīda-e-pur-nam liye hue
tai kar rahā huuñ ishq kī dushvār manzileñ
āh-e-darāz o girya-e-paiham liye hue
uTh ai naqāb-e-yār ki baiThe haiñ der se
kitne ġharīb dīda-e-pur-nam liye hue
suntā huuñ un kī bazm meñ chhalkeñge aaj jaam
maiñ bhī chalā huuñ dīda-e-pur-nam liye hue
motī kī qadr sab ko hai phūloñ ko dekhiye
kyā hañs rahe haiñ qatra-e-shabnam liye hue
josh-e-junūñ meñ lutf-e-tasavvur na pūchhiye
phirte haiñ saath saath unheñ ham liye hue
dil kī lagī na un se bujhī aaj tak 'jalīl'
dariyā haiñ garche dīda-e-pur-nam liye hue
اٹھا ہے ابر جوش کا عالم لیے ہوئے
بیٹھا ہوں میں بھی دیدۂ پر نم لیے ہوئے
ساقی کی چشم مست کا عالم نہ پوچھیے
اک اک نگاہ ہے کئی عالم لیے ہوئے
شبنم نہیں گلوں پہ یہ قطرے ہیں اشک کے
گزرا ہے کوئی دیدۂ پر نم لیے ہوئے
طے کر رہا ہوں عشق کی دشوار منزلیں
آہ دراز و گریۂ پیہم لیے ہوئے
اٹھ اے نقاب یار کہ بیٹھے ہیں دیر سے
کتنے غریب دیدۂ پر نم لیے ہوئے
سنتا ہوں ان کی بزم میں چھلکیں گے آج جام
میں بھی چلا ہوں دیدۂ پر نم لیے ہوئے
موتی کی قدر سب کو ہے پھولوں کو دیکھیے
کیا ہنس رہے ہیں قطرۂ شبنم لیے ہوئے
جوش جنوں میں لطف تصور نہ پوچھیے
پھرتے ہیں ساتھ ساتھ انہیں ہم لیے ہوئے
دل کی لگی نہ ان سے بجھی آج تک جلیلؔ
دریا ہیں گرچہ دیدۂ پر نم لیے ہوئے