उठने में दर्द-ए-मुत्तसिल हूँ मैं
गर्द-बाद-ए-ग़ुबार-ए-दिल हूँ मैं
काबे तक साथ आया शौक़-ए-सनम
हाए बुत-ख़ाना क्या ख़जिल हूँ मैं
हैफ़ किस मुद्दई की जाँ है तू
हाए किस आश्ना का दिल हूँ मैं
तुझ को दूँ क्या जवाब ऐ दावर
अपने ही आप मुन्फ़इल हूँ मैं
तेरी नाज़ुक तनी पे ग़ौर न की
अपनी उम्मीद से ख़जिल हूँ मैं
न हिला उस के दर से ता-महशर
मरक़द-ए-आरज़ू की सिल हूँ में
ख़ाक-ए-हस्ती की गर्द-बाद है तू
आतिश-ए-दिल की आब-ओ-गिल हूँ मैं
हद नहीं कोई अपनी हालत की
कि निगाहों में मुंतक़िल हूँ मैं
छा गया ये तसव्वुर उस बुत का
नक़्श-ए-चीं और बुत-ए-चगिल हूँ मैं
ज़र्रा सी ज़िंदगी पहाड़ हुई
आँख का अपनी आप तिल हूँ मैं
ऐ 'क़लक़' क्यूँ कि छोड़ दूँ वहशत
वज़्अ' में अपनी मुस्तक़िल हूँ मैं
uThne meñ dard-e-muttasil huuñ maiñ
gard-bād-e-ġhubār-e-dil huuñ maiñ
ka.abe tak saath aayā shauq-e-sanam
haa.e but-ḳhāna kyā ḳhajil huuñ maiñ
haif kis mudda.ī kī jaañ hai tū
haa.e kis āshnā kā dil huuñ maiñ
tujh ko duuñ kyā javāb ai dāvar
apne hī aap munfa.il huuñ maiñ
terī nāzuk tanī pe ġhaur na kī
apnī ummīd se ḳhajil huuñ maiñ
na hilā us ke dar se tā-mahshar
marqad-e-ārzū kī sil huuñ meñ
ḳhāk-e-hastī kī gard-bād hai tū
ātish-e-dil kī āb-o-gil huuñ maiñ
had nahīñ koī apnī hālat kī
ki nigāhoñ meñ muntaqil huuñ maiñ
chhā gayā ye tasavvur us but kā
naqsh-e-chīñ aur but-chagil huuñ maiñ
zarra sī zindagī pahāḌ huī
aañkh kā apnī aap til huuñ maiñ
ai 'qalaq' kyuuñ ki chhoḌ duuñ vahshat
vaz.a meñ apnī mustaqil huuñ maiñ
اٹھنے میں درد متصل ہوں میں
گرد باد غبار دل ہوں میں
کعبے تک ساتھ آیا شوق صنم
ہائے بت خانہ کیا خجل ہوں میں
حیف کس مدعی کی جاں ہے تو
ہائے کس آشنا کا دل ہوں میں
تجھ کو دوں کیا جواب اے داور
اپنے ہی آپ منفعل ہوں میں
تیری نازک تنی پہ غور نہ کی
اپنی امید سے خجل ہوں میں
نہ ہلا اس کے در سے تا محشر
مرقد آرزو کی سل ہوں میں
خاک ہستی کی گرد باد ہے تو
آتش دل کی آب و گل ہوں میں
حد نہیں کوئی اپنی حالت کی
کہ نگاہوں میں منتقل ہوں میں
چھا گیا یہ تصور اس بت کا
نقش چیں اور بت چگل ہوں میں
ذرہ سی زندگی پہاڑ ہوئی
آنکھ کا اپنی آپ تل ہوں میں
اے قلقؔ کیوں کہ چھوڑ دوں وحشت
وضع میں اپنی مستقل ہوں میں