चल दिए हम ऐ ग़म-ए-आलम विदाअ'
शोर-ए-मातम ता-कुजा मातम विदाअ'
जाते ही तेरे हर इक का कूच है
जाँ विदाअ' ओ दिल विदाअ' ओ दम विदाअ'
रोज़-ए-मय्यत भी नहीं कम ईद से
पहले रेहलत से हुआ हर ग़म विदाअ'
है क़यामत एक दिन उस का क़याम
दिल को कर ऐ तुर्रा-ए-ख़ुश-ख़म विदाअ'
उस का रस्ता कू-ए-ग़ैर और अपना ख़ुल्द
वो उधर रुख़्सत इधर हैं हम विदाअ'
ग़ैर की ख़ातिर है तो जाने भी दो
कीजिए उस को ख़ुश-ओ-ख़ुर्रम विदाअ'
हाए रे उम्र-ए-रवाँ का क़ाफ़िला
हर क़दम हर आन है हर दम विदाअ'
क्यूँ न हों आग़ोश-ए-हसरत सुब्ह-ओ-शाम
रोज़-ओ-शब आलम से है आलम विदाअ'
है ब-क़द्र-ए-हौसला याँ इत्तिफ़ाक़
जाम से हरगिज़ न होगा जम विदाअ'
सुन चुका हूँ मैं तिरा अज़्म-ए-सफ़र
आँख से मेरी न होगा नम विदाअ'
हसरत-ए-बे-इख़्तियारी देखना
तन से जाँ होती है क्या थम थम विदाअ'
अब कहाँ सब्र-ओ-क़रार-ओ-ताब-ओ-होश
साथ ही इस के हुए पैहम विदाअ'
ला तअय्युन बे निशानी ने किया
कीजिए आराम रुख़्सत रम विदाअ'
मोहलत-ए-रंग-ए-चमन ख़ूँ क्यूँ न हो
हो गई जब फ़ुर्सत-ए-शबनम विदाअ'
ऐ 'क़लक़' चलिए कि मंज़िल दूर है
हो रहेंगे यार सब बाहम विदाअ'
chal diye ham ai ġham-e-ālam vidā.a
shor-e-mātam tā-kujā mātam vidā.a
jaate hī tere har ik kā kuuch hai
jaañ vidā.a o dil vidā.a o dam vidā.a
roz-e-mayyat bhī nahīñ kam iid se
pahle rehlat se huā har ġham vidā.a
hai qayāmat ek din us kā qayām
dil ko kar ai turra-e-ḳhush-ḳham vidā.a
us kā rasta kū-e-ġhair aur apnā ḳhuld
vo udhar ruḳhsat idhar haiñ ham vidā.a
ġhair kī ḳhātir hai to jaane bhī do
kījiye us ko ḳhush-o-ḳhurram vidā.a
haa.e re umr-e-ravāñ kā qāfila
har qadam har aan hai har dam vidā.a
kyuuñ na hoñ āġhosh-e-hasrat sub.h-o-shām
roz-o-shab aalam se hai aalam vidā.a
hai ba-qadr-e-hausla yaañ ittifāq
jaam se hargiz na hogā jam vidā.a
sun chukā huuñ maiñ tirā azm-e-safar
aañkh se merī na hogā nam vidā.a
hasrat-e-be-iḳhtiyārī dekhnā
tan se jaañ hotī hai kyā tham tham vidā.a
ab kahāñ sabr-o-qarār-o-tāb-o-hosh
saath hī is ke hue paiham vidā.a
lā ta.ayyun be nishānī ne kiyā
kījiye ārām ruḳhsat ram vidā.a
mohlat-e-rañg-e-chaman ḳhuuñ kyuuñ na ho
ho ga.ī jab fursat-e-shabnam vidā.a
ai 'qalaq' chaliye ki manzil duur hai
ho raheñge yaar sab bāham vidā.a
چل دیے ہم اے غم عالم وداع
شور ماتم تا کجا ماتم وداع
جاتے ہی تیرے ہر اک کا کوچ ہے
جاں وداع و دل وداع و دم وداع
روز میت بھی نہیں کم عید سے
پہلے رحلت سے ہوا ہر غم وداع
ہے قیامت ایک دن اس کا قیام
دل کو کر اے طرۂ خوش خم وداع
اس کا رستہ کوئے غیر اور اپنا خلد
وہ ادھر رخصت ادھر ہیں ہم وداع
غیر کی خاطر ہے تو جانے بھی دو
کیجئے اس کو خوش و خرم وداع
ہائے رے عمر رواں کا قافلہ
ہر قدم ہر آن ہے ہر دم وداع
کیوں نہ ہوں آغوش حسرت صبح و شام
روز و شب عالم سے ہے عالم وداع
ہے بہ قدر حوصلہ یاں اتفاق
جام سے ہرگز نہ ہوگا جم وداع
سن چکا ہوں میں ترا عزم سفر
آنکھ سے میری نہ ہوگا نم وداع
حسرت بے اختیاری دیکھنا
تن سے جاں ہوتی ہے کیا تھم تھم وداع
اب کہاں صبر و قرار و تاب و ہوش
ساتھ ہی اس کے ہوئے پیہم وداع
لا تعین بے نشانی نے کیا
کیجئے آرام رخصت رم وداع
مہلت رنگ چمن خوں کیوں نہ ہو
ہو گئی جب فرصت شبنم وداع
اے قلقؔ چلیے کہ منزل دور ہے
ہو رہیں گے یار سب باہم وداع