आए क्या तेरा तसव्वुर ध्यान में
कुछ से कुछ है आन ही की आन में
याँ इशारात-ए-ग़लत पर ज़िंदगी
वाँ अदा है और ही सामान में
तेग़-ए-क़ातिल है रग-ए-गर्दन मिरी
आब-ए-पैकाँ दम तन-ए-बे-जान में
या तो क़ातिल हो गया रहम-आश्ना
या पड़े होंगे कहीं मैदान में
अश्क अपने फिर फिरा कर हर तरफ़
आए आख़िर तेरे ही दामान में
हाए कैसे कैसे वारस्ता-मिज़ाज
सर-निगूँ दम बंद हैं ज़िंदान में
काबा आँखों में समाता ही नहीं
क्या बुतों ने कह दिया कुछ कान में
आँख के उठते ही उठते कुछ न था
हम चले अरमान ही अरमान में
दैर-ओ-काबा पर नहीं मौक़ूफ़ कुछ
और ही कुछ शान है हर शान में
गिर्या-ए-सद-सिर्री और हम कम-हौसला
कश्ती अपनी आ गई तूफ़ान में
जन्नत ओ दोज़ख़ से क्या उम्मीद-ओ-बीम
हसरतें सी हसरतें हैं जान में
ख़ुद-परस्ती और इस्लाम-आफ़रीं
काबा-ए-आशिक़ है कुफ़रिस्तान में
ऐ 'क़लक़' कल तक गदा-ए-दैर थे
आज दा'वे हो गए ईमान में
aa.e kyā terā tasavvur dhyān meñ
kuchh se kuchh hai aan hī kī aan meñ
yaañ ishārāt-e-ġhalat par zindagī
vaañ adā hai aur hī sāmān meñ
teġh-e-qātil hai rag-e-gardan mirī
āb-e-paikāñ dam tan-e-be-jān meñ
yā to qātil ho gayā rahm-āshnā
yā paḌe hoñge kahīñ maidān meñ
ashk apne phir phirā kar har taraf
aa.e āḳhir tere hī dāmān meñ
haa.e kaise kaise vārasta-mizāj
sar-nigūñ dam band haiñ zindān meñ
ka.aba āñkhoñ meñ samātā hī nahīñ
kyā butoñ ne kah diyā kuchh kaan meñ
aañkh ke uThte hī uThte kuchh na thā
ham chale armān hī armān meñ
dair-o-ka.aba par nahīñ mauqūf kuchh
aur hī kuchh shaan hai har shaan meñ
girya-e-sad-sirrī aur ham kam-hausla
kashtī apnī aa ga.ī tūfān meñ
jannat o dozaḳh se kyā ummīd-o-bīm
hasrateñ sī hasrateñ haiñ jaan meñ
ḳhud-parastī aur islām-āfrīñ
ka.aba-e-āshiq hai kufristān meñ
ai 'qalaq' kal tak gadā-e-dair the
aaj da.ave ho ga.e īmān meñ
آئے کیا تیرا تصور دھیان میں
کچھ سے کچھ ہے آن ہی کی آن میں
یاں اشارات غلط پر زندگی
واں ادا ہے اور ہی سامان میں
تیغ قاتل ہے رگ گردن مری
آب پیکاں دم تن بے جان میں
یا تو قاتل ہو گیا رحم آشنا
یا پڑے ہوں گے کہیں میدان میں
اشک اپنے پھر پھرا کر ہر طرف
آئے آخر تیرے ہی دامان میں
ہائے کیسے کیسے وارستہ مزاج
سرنگوں دم بند ہیں زندان میں
کعبہ آنکھوں میں سماتا ہی نہیں
کیا بتوں نے کہہ دیا کچھ کان میں
آنکھ کے اٹھتے ہی اٹھتے کچھ نہ تھا
ہم چلے ارمان ہی ارمان میں
دیر و کعبہ پر نہیں موقوف کچھ
اور ہی کچھ شان ہے ہر شان میں
گریۂ صد سری اور ہم کم حوصلہ
کشتی اپنی آ گئی طوفان میں
جنت و دوزخ سے کیا امید و بیم
حسرتیں سی حسرتیں ہیں جان میں
خود پرستی اور اسلام آفریں
کعبۂ عاشق ہے کفرستان میں
اے قلقؔ کل تک گدائے دیر تھے
آج دعوے ہو گئے ایمان میں