आप के महरम असरार थे अग़्यार कि हम
दिल-ए-ग़मनाक के तुम रहते थे ग़म-ख़्वार कि हम
शिकवा-आलूद नसीहत नहीं अच्छी नासेह
आप हैं कुश्ता-ए-बेदाद-ए-सितमगार कि हम
हश्र अगर कहवे मदद-गार हमारा है कौन
बोल उठे साफ़ तिरा फ़ित्ना-ए-रफ़तार कि हम
आप की शान का सामान कहाँ से आया
यूसुफ़-ए-हुस्न के थे आप ख़रीदार कि हम
हम बुरा ग़ैर से मिलने को समझते थे कि तुम
अपने मतलब के हैं अग़्यार तलबगार कि हम
हाए बे-रहमी-ए-दिल-दार से बे-क़दरी जान
ज़ीस्त से आप हमारी हुए बेज़ार कि हम
जानते हम हैं बुरा रब्त जताने को कि ग़ैर
होंगे मशहूर हवसनाक तिरे यार कि हम
क़त्ल क्या हो कोई ख़ंजर में नहीं तर्ज़-ए-निगाह
दाद ऐ इश्क़ है जल्लाद गुनहगार कि हम
न मोहब्बत की ख़बर उस को न हम को उस की
सादगी कह तो सही यार है अय्यार कि हम
रोज़-ओ-शब मेरे फिराने को फिरे जाता है
चर्ख़ है गर्दिश-ए-बेकार से नाचार कि हम
हो के पामाल ठिकाने से लगी ख़ाक अपनी
तू है आशुफ़्ता सर-ए-कूचा-ओ-बाज़ार कि हम
उन को तुम चाहते हो आप को हम चाहते हैं
लाएक़-ए-रहम हैं फ़रमाइए अग़्यार कि हम
ऐ 'क़लक़' पाँव ज़मीं पर नहीं रखता मग़रूर
चर्ख़ है ख़ाक-ए-दर-ए-हैदर-ए-कर्रार कि हम
aap ke mahram asrār the aġhyār ki ham
dil-e-ġhamnāk ke tum rahte the ġham-ḳhvār ki ham
shikva-ālūd nasīhat nahīñ achchhī nāseh
aap haiñ kushta-e-bedād-e-sitamgār ki ham
hashr agar kahve madad-gār hamārā hai kaun
bol uThe saaf tirā fitna-e-raftār ki ham
aap kī shaan kā sāmān kahāñ se aayā
yūsuf-e-husn ke the aap ḳharīdār ki ham
ham burā ġhair se milne ko samajhte the ki tum
apne matlab ke haiñ aġhyār talabgār ki ham
haa.e be-rahmī-e-dil-dār se be-qadrī jaan
ziist se aap hamārī hue bezār ki ham
jānte ham haiñ burā rabt jatāne ko ki ġhair
hoñge mash.hūr havasnāk tire yaar ki ham
qatl kyā ho koī ḳhanjar meñ nahīñ tarz-e-nigāh
daad ai ishq hai jallād gunahgār ki ham
na mohabbat kī ḳhabar us ko na ham ko us kī
sādgī kah to sahī yaar hai ayyār ki ham
roz-o-shab mere phirāne ko phire jaatā hai
charḳh hai gardish-e-bekār se nā-chār ki ham
ho ke pāmāl Thikāne se lagī ḳhaak apnī
tū hai āshufta sar-e-kūcha-o-bāzār ki ham
un ko tum chāhte ho aap ko ham chāhte haiñ
lā.eq-e-rahm haiñ farmā.iye aġhyār ki ham
ai 'qalaq' paañv zamīñ par nahīñ rakhtā maġhrūr
charḳh hai ḳhāk-e-dar-e-haidar-e-karrār ki ham
آپ کے محرم اسرار تھے اغیار کہ ہم
دل غم ناک کے تم رہتے تھے غم خوار کہ ہم
شکوہ آلود نصیحت نہیں اچھی ناصح
آپ ہیں کشتۂ بیداد ستم گار کہ ہم
حشر اگر کہوے مددگار ہمارا ہے کون
بول اٹھے صاف ترا فتنۂ رفتار کہ ہم
آپ کی شان کا سامان کہاں سے آیا
یوسف حسن کے تھے آپ خریدار کہ ہم
ہم برا غیر سے ملنے کو سمجھتے تھے کہ تم
اپنے مطلب کے ہیں اغیار طلب گار کہ ہم
ہائے بے رحمیٔ دلدار سے بے قدری جان
زیست سے آپ ہماری ہوئے بیزار کہ ہم
جانتے ہم ہیں برا ربط جتانے کو کہ غیر
ہوں گے مشہور ہوس ناک ترے یار کہ ہم
قتل کیا ہو کوئی خنجر میں نہیں طرز نگاہ
داد اے عشق ہے جلاد گنہ گار کہ ہم
نہ محبت کی خبر اس کو نہ ہم کو اس کی
سادگی کہہ تو سہی یار ہے عیار کہ ہم
روز و شب میرے پھرانے کو پھرے جاتا ہے
چرخ ہے گردش بے کار سے ناچار کہ ہم
ہو کے پامال ٹھکانے سے لگی خاک اپنی
تو ہے آشفتہ سر کوچہ و بازار کہ ہم
ان کو تم چاہتے ہو آپ کو ہم چاہتے ہیں
لائق رحم ہیں فرمائیے اغیار کہ ہم
اے قلقؔ پاؤں زمیں پر نہیں رکھتا مغرور
چرخ ہے خاک در حیدر کرار کہ ہم