उसे भुला के भी यादों के सिलसिले न गए
दिल-ए-तबाह तिरे उस से राब्ते न गए
किताब-ए-ज़ीस्त के उनवाँ बदल गए लेकिन
निसाब-ए-जाँ से कभी उस के तज़्किरे न गए
मुझे तो अपनी ही सादा-दिली ने लूटा है
कि मेरे दिल से मुरव्वत के हौसले न गए
मैं चाँद और सितारों के गीत गाता रहा
मिरे ही घर से अँधेरों के क़ाफ़िले न गए
'रईस' जुरअत-ए-इज़हार मेरा विर्सा है
क़सीदे मुझ से किसी शाह के लिखे न गए
use bhulā ke bhī yādoñ ke silsile na ga.e
dil-e-tabāh tire us se rābte na ga.e
kitāb-e-zīst ke unvāñ badal ga.e lekin
nisāb-e-jāñ se kabhī us ke tazkire na ga.e
mujhe to apnī hī sāda-dilī ne luuTā hai
ki mere dil se muravvat ke hausle na ga.e
maiñ chāñd aur sitāroñ ke giit gaatā rahā
mire hī ghar se añdheroñ ke qāfile na ga.e
'ra.īs' jur.at-e-iz.hār merā virsa hai
qasīde mujh se kisī shaah ke likhe na ga.e
اسے بھلا کے بھی یادوں کے سلسلے نہ گئے
دل تباہ ترے اس سے رابطے نہ گئے
کتاب زیست کے عنواں بدل گئے لیکن
نصاب جاں سے کبھی اس کے تذکرے نہ گئے
مجھے تو اپنی ہی سادہ دلی نے لوٹا ہے
کہ میرے دل سے مروت کے حوصلے نہ گئے
میں چاند اور ستاروں کے گیت گاتا رہا
مرے ہی گھر سے اندھیروں کے قافلے نہ گئے
رئیسؔ جرأت اظہار میرا ورثہ ہے
قصیدے مجھ سے کسی شاہ کے لکھے نہ گئے